ଭାରତୀୟ ନୌସେନାକୁ ଶକ୍ତିଶାଳୀ ମିଡିୟମ କାଲିବର ଗନ୍ ଯୋଗାଇ ଦେବ ଆମେରିକା
ନୂଆଦିଲ୍ଲୀ : ଚୀନ ସହ ବିବାଦ ଲାଗି ରହିଥିବାରୁ ଭାରତ ନିଜର ସାମରିକ ଶକ୍ତିକୁ ବଢାଇବାରେ ଲାଗିଛି । ଭାରତ ମହାସାଗରରେ ଚୀନ ପଟୁ ବିପଦ ଆଶଙ୍କା ଥିବାରୁ ଭାରତ ନିଜର ନୌସେନାକୁ ଅତ୍ୟାଧୁନିକ ଅସ୍ତ୍ରଶସ୍ତ୍ରରେ ସଜ୍ଜିତ କରୁଛି । ଏ କ୍ଷେତ୍ରରେ ଆମେରିକା ଭାରତକୁ ସହାୟତା କରିଚାଲିଛି।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ନୌସେନାର ଯୁଦ୍ଧ ଜାହାଜରେ ଖଞ୍ଜିବାକୁ ଆମେରିକା ଅତ୍ୟାଧୁନିକ ୧୨୭ ଏମଏମ ମିଡିୟମ କାଲିବର ଗନ୍ ଯୋଗାଇବାକୁ ରାଜି ହୋଇଯାଇଛି । ଏଥିପାଇଁ ଦୁଇ ଦେଶମଧ୍ୟରେ ପ୍ରାୟ ୩୮୦୦ କୋଟି ଟଙ୍କାର ଏକ ଚୁକ୍ତି ସ୍ବାକ୍ଷରିତ ହେବାକୁ ଯାଉଛି । ଏସବୁ ୧୨୭ ଏମଏମ ମିଡିୟମ କାଲିବର ଗନ ଆସିବା ପରେ ବୃହତ ଯୁଦ୍ଧ ଜାହାଜଗୁଡ଼ିକରେ ଖଞ୍ଜାଯିବ । ଏଗୁଡ଼ିକ ଶତ୍ରୁପକ୍ଷର ଆକ୍ରମଣରୁ ଜାହାଜକୁ ସୁରକ୍ଷା ପ୍ରଦାନ କରିବ ।
ସବୁଠାରୁ ଗୁରୁତ୍ବପୂର୍ଣ୍ଣ କଥା ହେଉଛି ଜରୁରୀକାଳୀନ ଆବଶ୍ୟକତା ମେଣ୍ଟାଇବାକୁ ଆମେରିକା ନୌସେନା ନିଜସ୍ବ ଭଣ୍ଡାରରୁ ପ୍ରାୟ ୧୧ଟି ୧୨୭ ଏମଏମ ମିଡିୟମ କାଲିବର ଗନ ପ୍ରଦାନ କରିବ । ଚୁକ୍ତି ମୁତାବକ ନୂଆ ଗନ ଉତ୍ପାଦନ ହୋଇ ଆସିବା ପରେ ଆମେରିକା ନୌସେନାର ଗନଗୁଡ଼ିକୁ ଫେରାଇ ଦିଆଯିବ ଓ ନୂଆ ଗନ ଲଗାଯିବ । କେବଳ ଏହି ଗନ ନୁହେଁ, ନୌସେନାର ଆଧୁନିକୀକରଣ ପାଇଁ ଆଉ କେତେକ ସାମଗ୍ରୀ ଓ ଅସ୍ତ୍ରଶସ୍ତ୍ର ମଧ୍ୟ ଆମେରିକା ଯୋଗାଇଦେବ ।