‘ମୋଦୀ’, ‘ମୋଦୀ’ ନାରା ଦେଉଥିବା ଯୁବକଙ୍କୁ ଚାପୁଡ଼ା ମାରିବା ଦରକାର: କର୍ଣ୍ଣାଟକ ମନ୍ତ୍ରୀ

ବେଙ୍ଗାଲୁରୁ: କର୍ଣ୍ଣାଟକ ମନ୍ତ୍ରୀ ଶିବରାଜ ଟାଙ୍ଗାଗି କହିଛନ୍ତି ଯେ ଯେଉଁ ଯୁବକ ଓ ଛାତ୍ରମାନେ ମୋଦୀ, ମୋଦୀ ନାରା ଦେଉଛନ୍ତି ସେମାନଙ୍କୁ ଚାପୁଡ଼ା ମାରିବା ଉଚିତ୍‌ ବୋଲି ସେ କେନ୍ଦ୍ରର ବିଜେପି ନେତୃତ୍ୱାଧୀନ ସରକାରକୁ ଟାର୍ଗେଟ କରି କହିଛନ୍ତି। କନ୍ନଡ ଓ ସଂସ୍କୃତି ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଆଗାମୀ ଲୋକସଭା ନିର୍ବାଚନରେ ଭୋଟ୍‌ ମାଗିବା ପାଇଁ ବିଜେପି ଲଜ୍ଜିତ ହେବା ଉଚିତ, କାରଣ ବିକାଶ କ୍ଷେତ୍ରରେ ମଧ୍ୟ ବିଜେପି ବିଫଳ ହୋଇଛି।

‘ସେମାନେ ଲଜ୍ଜିତ ହେବା ଦରକାର! କେଉଁ ମୁହଁରେ ଭୋଟ ମାଗିବାକୁ ଆସୁଛନ୍ତି? ସେମାନେ ଗୋଟିଏ ବି ଉନ୍ନୟନମୂଳକ କାର୍ଯ୍ୟ କରିବାକୁ ଅକ୍ଷମ! ସେମାନେ ୨ କୋଟି ଚାକିରି ଦେବାକୁ ପ୍ରତିଶ୍ରୁତି ଦେଇଥିଲେ। ସେମାନେ କାହାକୁ ଚାକିରି ଦେଇଛନ୍ତି କି? ଚାକିରି ମାଗିବାରୁ ସେମାନେ କହନ୍ତି, ’ପକୋଡ଼ା’ ବିକ୍ରି କରନ୍ତୁ। ସେମାନେ ଲଜ୍ଜିତ ହେବା ଦରକାର ବୋଲି ଟାଙ୍ଗଡାଗି କହିଛନ୍ତି।

ରବିବାର କୋପ୍ପାଲ ଜିଲ୍ଲାର କରତାଗି ଠାରେ ଏକ କଂଗ୍ରେସ କର୍ମୀ ସମାବେଶକୁ ସମ୍ବୋଧିତ କରି ସେ କହିଛନ୍ତି, ଯଦି କୌଣସି ଛାତ୍ର କିମ୍ବା ଯୁବକ ଏବେ ବି ’ମୋଦୀ, ମୋଦୀ’ (ସ୍ଲୋଗାନ) ଦେଉଛନ୍ତି, ତେବେ ସେମାନଙ୍କୁ ଚାପୁଡ଼ା ମାରିବା ଉଚିତ। ଏହା ଏକ ଛୋଟ ଜିନିଷ କି? ସେମାନେ ବାର୍ଷିକ ୨ କୋଟି ନିଯୁକ୍ତି ପ୍ରତିଶ୍ରୁତି ଦେଇଥିଲେ, ୧୦ ବର୍ଷରେ ଏବେ ୨୦ କୋଟି ନିଯୁକ୍ତି ହେବା କଥା।

ବରିଷ୍ଠ ବିଜେପି ନେତା ତଥା ଦଳର ପୂର୍ବତନ ରାଷ୍ଟ୍ରୀୟ ସାଧାରଣ ସମ୍ପାଦକ ସିଟି ରବି ମନ୍ତ୍ରୀଙ୍କ ମନ୍ତବ୍ୟକୁ ନେଇ କଂଗ୍ରେସକୁ ଟାର୍ଗେଟ କରିଛନ୍ତି। ଆଗାମୀ ଲୋକସଭା ନିର୍ବାଚନରେ କଂଗ୍ରେସ ବହୁତ ଖରାପ ଭାବେ ହାରିବାକୁ ଯାଉଛି ବୋଲି ଅନୁଭବ କରି ସେମାନେ ନୂଆ ନିମ୍ନସ୍ତରକୁ ଖସି ଆସୁଛନ୍ତି। ଆଉ ସେମାନେ ପ୍ରଧାନମନ୍ତ୍ରୀ ମୋଦୀଙ୍କୁ ଏକଛତ୍ରବାଦୀ ବୋଲି କହୁଛନ୍ତି ବୋଲି ସେ ’ଏକ୍ସ’ରେ ଲେଖିଛନ୍ତି।