ଅନୁଗୁଳ-ସୁକିନ୍ଦା ରେଳପଥ ଲିମିଟେଡ୍ର ନୂଆ କାର୍ଯ୍ୟାଳୟ ଉଦ୍ଘାଟିତ
ଭୁବନେଶ୍ବର : ଅନୁଗୁଳ-ସୁକିନ୍ଦା ଲିମିଟେଡ୍ର ନୂଆ କର୍ପୋରେଟ୍ କାର୍ଯ୍ୟାଳୟ ଶୁକ୍ରବାର ଦିନ ଉଦ୍ଘାଟିତ ହୋଇଯାଇଛି। ଗଜପତିନଗରଠାରେ ଏହି କାର୍ଯ୍ୟାଳୟକୁ ରେଳ ବିକାଶ ନିଗମର (ଦିଲ୍ଲୀସ୍ଥିତ) ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ପ୍ରଦୀପ ଗୌର ଉଦ୍ଘାଟନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଅନୁଗୁଳ-ସୁକିନ୍ଦା ରେଳପଥ ଲିମିଟେଡ୍ କମ୍ପାନିର ପରିଚାଳନା ନିର୍ଦ୍ଦେଶକ ଦିଲ୍ଲୀପ କୁମାର ସାମନ୍ତରାୟଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ରେଳ ବିକାଶ ନିଗମର କାର୍ଯ୍ୟନିର୍ବାହୀ ନିର୍ଦ୍ଦେଶକ ସରୋଜକାନ୍ତ ପାତ୍ର, ମୁଖ୍ୟ ପ୍ରକଳ୍ପ ପ୍ରବନ୍ଧକ ପ୍ରଦୀପ କୁମାର ମହାନ୍ତି ଓ ମହାପ୍ରବନ୍ଧକ (ବିଦ୍ୟୁତ୍) ସୁଶାନ୍ତ କୁମାର ପୁରୋହିତ ପ୍ରମୁଖ ଯୋଗଦାନ କରିଥିଲେ। ଅନୁଗୁଳ-ସୁକିନ୍ଦା ରେଳ ପ୍ରକଳ୍ପ ଜୁନ୍ ୨୦୨୨ ସୁଦ୍ଧା ନିର୍ମାଣ କାର୍ଯ୍ୟ ଶେଷ ହେବ ବୋଲି ଅନୁଗୁଳ-ସୁକିନ୍ଦା ରେଳପଥ କମ୍ପାନିର ପରିଚାଳନା ନିର୍ଦ୍ଦେଶକ ଶ୍ରୀ ସାମନ୍ତରାୟ କହିଛନ୍ତି। ସେ ଆହୁରି କହିଲେ, ବହୁ ପ୍ରତିକୂଳ ପରିସ୍ଥିତିରେ ବି ଏହି ପ୍ରକଳ୍ପର କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଚାଲୁ ରହିଛି।