ଭୁବନେଶ୍ବର: ଏଥର ଛାଡ଼ଖାଇରେ ରାଜଧାନୀବାସୀଙ୍କୁ ସୁସ୍ବାଦୁ ଓଡ଼ିଆ ଖାଦ୍ୟ ମିଳିବ। ଏଥିପାଇଁ ରାଜଧାନୀର ତିନିଟି ରେସ୍ତୋରାଁ ଡାଲମା, ମାଇକେଲ୍ସ କିଚେନ୍ ଓ ଓଡ଼ିଶା ହୋଟେଲ ପକ୍ଷରୁ ଅଭିନବ ପ୍ରୟାସ କରାଯାଇଛି। ତିନିଟି ଯାକ ରେସ୍ତୋରାଁରେ ଗୋଟିଏ ମେନୁର ଖାଦ୍ୟ, ଗୋଟିଏ ଦାମ୍ରେ ଉପଲବ୍ଧ ହେବ। ନଭେମ୍ବର ୨୦ ଓ ୨୧ ତାରିଖରେ ଏନେଇ ତିନିଟି ଯାକ ରେସ୍ତୋରାଁରେ ‘ଓଡ଼ିଆ ରୋଷେଇକୁ ପୁନର୍ଜୀବିତ କରି ଛାଡ଼ଖାଇ ପାଳିବା’ ଥିମ୍ ରଖାଯାଇଛି।
Sambad is now on WhatsApp
Join and get latest news updates delivered to you via WhatsApp
ରେସ୍ତୋରାଁ କର୍ତ୍ତୃପକ୍ଷଙ୍କ ସୂଚନା ଅନୁଯାୟୀ, ଓଡ଼ିଶାରେ ଏପରି କେବେ ଛାଡ଼ଖାଇ ପାଳନ ହୋଇ ନଥିଲା। ତିନିଟି ଭିନ୍ନ ହୋଟେଲରେ ଗୋଟିଏ ମେନୁ ଓ ଗୋଟିଏ ଦାମ୍ରେ ଆମେ ଲୋକଙ୍କୁ ଓଡ଼ିଆ ଖାଦ୍ୟ ପରଷିବୁ। ଏଥର ଛାଡ଼ଖାଇରେ ରାଜଧାନୀର ଆମିଷ ପ୍ରିୟ ଲୋକଙ୍କୁ ଆମେ ଶୁଦ୍ଧ ଓଡ଼ିଆ ଖାଦ୍ୟ ଭେଟି ଦେବୁ। ଛାଡ଼ଖାଇ ପାଇଁ ହୋଇଥିବା ସ୍ବତନ୍ତ୍ର ଥାଳିରେ ଭାତ, ଡାଲି/ଡାଲମା, ବୁନ୍ଦି ରାଇତା, କଖାରୁ ଫୁଲ ଭଜା, ପାମ୍ପଡ଼, ମଟନ୍ ଆଳୁ ଝୋଳ, ମାଛ ବେସର/ଭଜା, ଚିଙ୍ଗୁଡ଼ି ନଡ଼ିଆ, ଚିକେନ୍ କସା, ମାଛ ମୁଣ୍ଡ ଛିଞ୍ଚଡା, ଚିଙ୍ଗୁଡି େଛଚା, କ୍ଷୀରି ପରଷାଯିବ। ଏଥିପାଇଁ ଥାଳିର ଦାମ୍ ୪୯୯ ଟଙ୍କା ଓ ଟ୍ୟାକ୍ସ ରଖାଯାଇଛି।