ହୋଟେଲରେ ଚାଲିଥିଲା ଦେହବ୍ୟବସାୟ, ୧୨ ମହିଳା ସମେତ ୨୩ ଗିରଫ
୬ ପୁଲିସ କର୍ମଚାରୀ ନିଲମ୍ବନ
ନୋଏଡା: ଉତ୍ତରପ୍ରଦେଶର ଗ୍ରେଟର ନୋଏଡା ପୁଲିସ ଗତ ଶନିବାର ବହୁଦିନ ଧରି ଚାଲିଥିବା ଏକ ବଡ ଧରଣର ସେକ୍ସ ରାକେଟ ଠାବ କରିଛି । ନୋଏଡା ଚିତ୍ରିର ଏକ ହୋଟେଲରେ ଚଢଉ କରି ୧୨ ଜଣ ମହିଳା ସମତେ ୨୩ଜଣଙ୍କୁ ଗିରଫ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏଥିସହିତ ଏହି ଘଟଣାରେ କିଛି ସ୍ଥାନୀୟ ପୁଲିସ ଅଧିକାରୀ ସଂପୃକ୍ତ ଥିବା ସନ୍ଦେହ କରାଯାଉଛି । ଏହାକୁ କେନ୍ଦ୍ର କରି ୬ଜଣ ପୁଲିସକୁ ନିଲମ୍ବନ କରାଯାଇଥିବା ସୂଚନା ରହିଛି। ପୁଲିସ ହୋଟେଲ ମ୍ୟାନେଜର ଜ୍ଞାନେନ୍ଦ୍ର କୁମାରଙ୍କୁ ମଧ୍ୟ ଅଟକ ରଖିଛି । ହୋଟେଲ ମାଲିକଙ୍କର କିଛି ବର୍ଷ ପୂର୍ବେ ମୃତ୍ୟୁ ହୋଇ ଯାଇଥିଲା । ଏହାପରେ ଜ୍ଞାନେନ୍ଦ୍ର କୁମାର ଏହାର ଦେଖାରଖା କରୁଥିଲେ । ପରେ ସେ ଏଠାରେ ସେକ୍ସ ରାକେଟ୍ ଚଳାଇଥିଲେ ବୋଲି ସ୍ଥାନୀୟଲୋକେ ଅଭିଯୋଗ କରିଥିଲେ।
ଗିରଫ ଅଭିଯୁକ୍ତଙ୍କ ମଧ୍ୟରୁ ଅନେକ ନୋଏଡାର ହୋଇଥିବା ବେଳେ ଆଉ କିଛି ବୁଲନ୍ଦସହରର ଅଟନ୍ତି । ହୋଟଲରେ ଚଢଉ ବେଳେ ଅନେକ ଆପତ୍ତିଜନକ ସାମଗ୍ରୀ ଜବତ କରାଯାଇଛି ।
ଏହି ସେକ୍ସ ରାକେଟ୍ ପଛରେ ଜଣେ ସ୍ଥାନୀୟ ପୁଲିସ ଅଧିକାରୀଙ୍କ ହାତ ଥିବା ଜଣାପଡିଛି । କାରଣ ଚଢଉ ବେଳେ ହୋଟେଲ ନିକଟରେ ଏକ ଭ୍ୟାନ ଓ ୫ ପୁଲିସ କର୍ମଚାରୀ ଥିଲେ ।
ଗ୍ରେଟର ନୋଏଡା ଡିସିପି, ରାଜେଶ କୁମାର ସିଂ କହିଛନ୍ତି ଯେ, ହୋଟେଲରେ ଚଢଉ କରାଯାଇ ୧୨ଜଣ ଦେହଜୀବୀଙ୍କ ସହ ୧୧ ଜଣ ପୁରୁଷଙ୍କୁ ଗିରଫ କରାଯାଇଛି । ଅତିରିକ୍ତ ଡିସିପି ବିଶାଲ ପାଣ୍ଡେ କହିଛନ୍ତି ଯେ, ତଦନ୍ତ ଜାରି ରହିଛି । ଏସିପିଙ୍କ ନେତୃତ୍ୱରେ ଏକ ଟିମ୍ ଗଠନ କରାଯାଇ ତଦନ୍ତ କରାଯାଉଛି ।