‘ପଦ୍ମାବତ୍’ ନେଇ ରଣବୀର ସିଂଙ୍କ ପ୍ରଶ୍ନର କି ଉତ୍ତର ଦେଲେ ଶାହରୁଖ
ନୂଆଦିଲ୍ଲୀ : ସଞ୍ଜୟ ଲୀଲା ଭଂସାଲୀଙ୍କ ‘ପଦ୍ମାବତ’ ଚଳଚ୍ଚିତ୍ରକୁ ବର୍ତ୍ତମାନ ଅନେକ ଦିଗରୁ ପ୍ରଶଂସା ମିଳିଛି। ଏବେ ଏହା ବକ୍ସ ଅଫିସରେ ମଧ୍ୟ ଫୁଲଦମରେ ସଫଳତା ହାସଲ କରିଚାଲିଛି । ତେବେ ‘ପଦ୍ମାବତ’କୁ ଭିନ୍ନ ଅନ୍ଦାଜରେ ପ୍ରଂଶସା କରିଛନ୍ତି ବଲିଉଡର ବାଦଶାହା ଶାହାରୁଖ ଖାନ । ସଂଞ୍ଜୟ ଲୀଲା ଭଂସାଲିଙ୍କ ସୁପରହିଟ ଚଳଚ୍ଚିତ୍ର ‘ଦେବଦାସ’ରେ ଅଭିନୟ କରିଥିବା ଶାହାରୁଖ ‘ପଦା୍ମବତ’କୁ ପ୍ରଶଂସା କରିବା ସହ ବହୁତ ଭଲ ଚଳଚ୍ଚିତ୍ର ବୋଲି କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଶାହାରୁଖ ସବୁବେଳେ ତାଙ୍କ ପ୍ରଶଂସକଙ୍କ ସହ ଯୋଡ଼ି ହୋଇ ରହିଥାନ୍ତି । ସେ ଟ୍ଵିଟରରେ ‘ଆସ୍କଏସ୍ଆରକେ’ ନାମକ ଏକ ସେସନ କରିଥାନ୍ତି । ଏଥିରେ ତାଙ୍କର ପ୍ରଶଂସକ ଦ୍ୱାରା ପଚରାଯାଇଥିବା ପ୍ରଶ୍ନର ଉତ୍ତର ଦେଇଥାନ୍ତି । ଏହାର ସୁଯୋଗ ଉଠାଇ ରଣବୀର ସିଂ ଶହାରୁଖ ଖାନଙ୍କୁ ‘ପଦ୍ମାବତ’ ଦେଖିଛନ୍ତି କି ନାହିଁ ବୋଲି ପଚାରିଥିଲେ ।ଶାହାରୁଖ ରଣବୀରଙ୍କର ଟୁଇଟକୁ ବହୁ ସମୟ ପରେ ଦେଖିଥିଲେ ଏବଂ ଏକ ଭିନ୍ନ ଅନ୍ଦାଜରେ ଏହାର ଉତ୍ତର ଦେଇଥିଲେ।
Hi Bhai ! ? anxious for you to see ‘Padmaavat’ ! #AskSRK
— Ranveer Singh (@RanveerOfficial) February 2, 2018
ମେତେ କ୍ଷମା କରିବ ମୁଁ ତୁମକୁ ଜାଣି ପାରିଲିନି । କାରଣ ମୁଁ ତୁମକୁ ଖିଲିଜୀ ଭାବେ ଜାଣିଛି। ପଦ୍ମାବତ ବହୁତ ଭଲ ଚଳଚ୍ଚିତ୍ର । ମୁଁ ଏହାକୁ ଦେଖିଲି ଏବଂ ମତେ ବହୁତ ଭଲ ଲାଗିଲା ବୋଲି ଉତ୍ତରରେ କହିଛନ୍ତି ଶାହାରୁଖ ଖାନ୍ । ରଣବୀରଙ୍କ ପ୍ରଶ୍ନର କିଛି ଘଣ୍ଟା ପରେ ଶାହରୁଖ ଉତ୍ତର ଦେଇଥିଲେ ହେଁ ତାଙ୍କ ଉତ୍ତର ନିଶ୍ଚିତ ରଣବୀରଙ୍କର ମନକୁ କିଣି ଦେଇଥିବ ।
So sorry didn’t realise it was u, cos now u r Khilji for me. Bahut acchhi picture hai bhai..I saw it and loved it. https://t.co/9coSNSAmNq
— Shah Rukh Khan (@iamsrk) February 2, 2018
ରଣବୀର ସିଂ , ସାହିଦ କପୁର ଏବଂ ଦୀପିକା ପାଦୁକୋନ୍ଙ୍କ ଅଭିନୀତ ପଦ୍ମାବତ ବର୍ତ୍ତମାନ ପର୍ଯ୍ୟନ୍ତ ବକ୍ସ ଅଫିସରେ ୧୬୦ କୋଟି ଟଙ୍କାର ବ୍ୟବସାୟ କରିସାରିଲାଣି । ତେବେ ଚଳଚ୍ଚିତ୍ରରେ ରଣବୀରଙ୍କର ଆଲ୍ଲାଉଦ୍ଦିନ୍ ଖିଲିଜୀ ଚରିତ୍ର ସମସ୍ତଙ୍କର ଦୃଷ୍ଟି ଆର୍କଷଣ କରିଛି।