ପୂର୍ବତନ ପ୍ରଧାନମନ୍ତ୍ରୀ ଡ.ମନମୋହନ ସିଂହଙ୍କ ଜୀବନର ସବୁଠାରୁ ବଡ଼ ରହସ୍ୟ ଉପରୁ ପରଦା ହଟାଇବ ‘ଦ ଆକ୍ସିଡେଣ୍ଟାଲ୍ ପ୍ରାଇମମିନିଷ୍ଟର’

ମୁମ୍ବାଇ: ରିଲିଜ ହୋଇଛି ବହୁଚର୍ଚ୍ଚିତ ହିନ୍ଦୀ ସିନେମା ‘ଦ ଆକ୍ସିଡେଣ୍ଟାଲ୍ ପ୍ରାଇମମିନିଷ୍ଟର’ର ଟ୍ରେଲର । ମାତ୍ର ଅଢେଇ ମିନିଟର ଏହି ଟ୍ରେଲରରେ ଦେଖିବାକୁ ମିଳିଛି ଦେଶର ପୂର୍ବତନ ପ୍ରଧାନମନ୍ତ୍ରୀ ଡ.ମନମୋହନ ସିଂଙ୍କ ଜୀବନ କାହାଣୀର ଏକ ଛୋଟିଆ ଝଲକ୍ ।  ଡ. ମନମୋହନ ସିଂଙ୍କ ଚରିତ୍ରରେ ନଜର ଆସିଛନ୍ତି ବଲିଉଡର ଲୋକପ୍ରିୟ ତଥା ଖ୍ୟାତନାମା ଅଭିନେତା ଅନୁପମ ଖେର୍ । ‘ଦ ଆକ୍ସିଡେଣ୍ଟାଲ୍ ପ୍ରାଇମମିନିଷ୍ଟର’ରେ ନିଜ ଅଭିନୟକୁ ବେଶ୍ ସଠିକ୍ ଢଙ୍ଗରେ ପରିବେଶଷ କରିଛନ୍ତି ଅନୁପମ । ସିନେମାଟିରେ ଅବିକଳ ମନମୋହନ୍ ସିଂଙ୍କ ଭଳି ନଜର ଆସିବା ସହ ମନମୋହନଙ୍କ ଭଳି ଚାଲି, କଥା କହିବାର ଶୈଳୀ ତଥା ପ୍ରତିଟି ମତିଗତି ବେଶ୍ ଭଲ ଭାବରେ ଉପସ୍ଥାପନା କରିଛନ୍ତି ଅନୁପମ ।

Witness an inside story of the PM & the party, #TheAccidentalPrimeMinister trailer out now https://t.co/aOtTlOhHXG @AnupamPKher @IAmAkshaye @GutteVijay @mehtahansal @suzannebernert @mayankis @bohrabrosoffic1 @PenMovies @AahanaKumra @mathurarjun @ashokepandit #DivyaSeth

— The Accidental Prime Minister (@TAPMofficial) December 27, 2018

ଏହି ସିନେମାକୁ ନେଇ ବେଶ ଚର୍ଚ୍ଚାରେ ଥିଲେ ଅନୁପମ ଖେର୍ । ସଂଜୟ ବାରୁଙ୍କ ଲିଖିତ  ବହି ‘ଦ ଆକ୍ସିଡେଣ୍ଟାଲ୍ ପ୍ରାଇମମିନିଷ୍ଟର’କୁ ନେଇ ସିନେମାଟି ଜବରଦସ୍ତ ଢଙ୍ଗରେ ପ୍ରସ୍ତୁତ କରାଯାଇଛି । ସିନେମାରେ ମନମୋହନ୍ ସିଂଙ୍କ ବ୍ୟକ୍ତିଗତ ଜୀବନର ଅନେକ କଥା ଏହି ଦେଖିବାକୁ ପାଇବେ ଦର୍ଶକ । ପୂର୍ବରୁ ଏହି ସିନେମାର ନିର୍ମାଣ ନେଇ ସେନସର୍ ବୋର୍ଡ ପକ୍ଷରୁ ଆପତ୍ତି କରାଯାଇଥିଲା । ତେବେ ସିନେମା ବନାଇବା ପାଇଁ ମେକର୍ ଡ.ମନମୋହନ ସିଂ, କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ, ପୂର୍ବତନ ଅଧ୍ୟକ୍ଷ ସୋନିଆ ଗାନ୍ଧୀଙ୍କଠାରୁ ଲିଖିତ ଅନୁମୋଦନ ଆଣିବା ପରେ ହିଁ ସିନେମାକୁ ପ୍ରସ୍ତୁତ କରାଯାଉଛି ।

ଏହି ଅପକମିଂ ସିନେମାର ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ବିଜୟ ରତ୍ନାକର ଗୁଟ୍ଟେ ଏବଂ ସିନେମାର ପ୍ରଯୋଜନା କରୁଛନ୍ତି ବୋହରା ବ୍ରଦର୍ସ । ଫିଲ୍ମରେ ଅଭିନେତା ଅକ୍ଷୟ ଖନ୍ନାଙ୍କୁ ବି ଏକ ପ୍ରମୁଖ ଭୂମିକାରେ ଦେଖିବାକୁ ମିଳିବ ।