ନୂଆଦିଲ୍ଲୀ : ଦେଶରେ ଦିଆଯାଉଥିବା କୋଭାକ୍ସିନ ଓ କୋଭିସିଲ୍ଡ ଟିକା କରୋନା ଭୁତାଣୁର ସମସ୍ତ ୪ଟି ଭାରିଆଣ୍ଟ- ଆଲଫା, ବିଟା, ଗାମା ଓ ଡେଲଟା ବିରୁଦ୍ଧରେ ପ୍ରଭାବି । ମାତ୍ର ଡେଲଟା ପ୍ଲସ କ୍ଷେତ୍ରରେ ଟିକାର ପ୍ରଭାବ ଏବେ ଜଣାପଡ଼ିନାହିଁ । ତେବେ ଏହା ଜାଣିବାକୁ ଆଇସିଏମଆର ପକ୍ଷରୁ ପରୀକ୍ଷା ଜାରି ରହିଛି ଓ ଆଗାମୀ ୮ରୁ ୧୦ ଦିନ ମଧ୍ୟରେ ଏହାର ଫଳାଫଳ ଜଣାପଡ଼ିଯିବ ବୋଲି ଆଇସିଏମଆରର ମହାନର୍ଦ୍ଦେଶକ ଡ. ବଳରାମ ଭାର୍ଗବ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସ୍ବାସ୍ଥ୍ୟ ମନ୍ତ୍ରାଳୟର ସାମ୍ବାଦିକ ସମ୍ମିଳନୀରେ ସେ କହିଛନ୍ତି ଯେ, ଦେଶରେ ଏବେ ୧୨ଟି ରାଜ୍ୟରେ ମୋଟ ୪୮ଟି ଡେଲଟା ପ୍ଲସ ସଂକ୍ରମଣ ମାମଲା ଚିହ୍ନଟ ହୋଇଛି । ମହାରାଷ୍ଟ୍ରରେ ସର୍ବାଧିକ ୨୦ଟି ଡେଲଟା ପ୍ଲସ ସଂକ୍ରମଣ ମାମଲା ଚିହ୍ନଟ ହୋଇଥିବାବେଳେ ମଧ୍ୟପ୍ରଦେଶରେ ୭ଟି, ଓଡ଼ିଶାରେ ଗୋଟିଏ ମାମଲା ଚିହ୍ନଟ ହୋଇଛି । ସେଗୁଡ଼ିକୁ ଆଇସୋଲେଟ କରି କଲଚର କରାଯାଉଛି ।
ସାମଗ୍ରିକ ଭାବେ ଦେଶର ୧୭୪ଟି ଜିଲ୍ଲାରେ ପ୍ରାୟ ୨୧ ହଜାରରୁ ଅଧିକ ଡେଲଟା ଭାରିଆଣ୍ଟ ସଂକ୍ରମଣ ମାମଲା ଚିହ୍ନଟ ହୋଇଛି, ଯାହାକି ମାର୍ଚ୍ଚ ୨୧ ସୁଦ୍ଧା ମାତ୍ର ୫୪ଟି ଜିଲ୍ଲା ଓ ଡିସେମ୍ବର ୨୦୨୦ରେ ମାତ୍ର ଗୋଟିଏ ଜିଲ୍ଲାରେ ସୀମିତ ଥିଲା ।