ସାଂସଦମାନଙ୍କର ଆଚରଣ ଭାରତୀୟ ମୂଲ୍ୟବୋଧଭିତ୍ତିକ ହେବା ଉଚିତ: ପ୍ରଧାନମନ୍ତ୍ରୀ ମୋଦୀ
ନୂଆଦିଲ୍ଲୀ: ସାଂସଦମାନଙ୍କର ଆଚରଣ ଭାରତୀୟ ମୂଲ୍ୟବୋଧଭିତ୍ତିକ ହେବା ଉଚିତ ବୋଲି ବିଭିନ୍ନ ସମସ୍ୟା ଆଲୋଚନା ବେଳେ ହେଉଥିବା କରାଯାଉଥିବା ବ୍ୟାଘାତକୁ ଦର୍ଶାଇ ଆଜି ୮୨ତମ ‘ଅଲ୍ ଇଣ୍ଡିଆ ପ୍ରିଜାଇଡିଙ୍ଗ୍ ଅଫିସର୍ସ୍ କନ୍ଫରେନ୍ସ୍’ର ଉଦ୍ଘାଟନୀ ଉତ୍ସବରେ ଉଦ୍ବୋଧନ ଦେଇପ୍ରଧାନମନ୍ତ୍ରୀ ମୋଦୀ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଭିଡିଓ କନ୍ଫରେନ୍ସିଙ୍ଗ୍ ମାଧ୍ୟମରେ ସମ୍ମିଳନୀ ଉଦ୍ଘାଟନ କରି ପ୍ରଧାନମନ୍ତ୍ରୀ କହିଲେ, ଭାରତ ସ୍ବାଧୀନତାର ଶତବାର୍ଷିକୀ ଆଡ଼କୁ ଅଗ୍ରସର ହେଉଥିବାରୁ ଜଣଙ୍କର କର୍ତ୍ତବ୍ୟ ସମ୍ପାଦନ ଆଗାମୀ ୨୫ ବର୍ଷ ପାଇଁ ଦେଶର ମନ୍ତ୍ର ହେବା ଉଚିତ। ଏହି ବାର୍ତ୍ତା ସଂସଦରୁ ରାଜ୍ୟ ବିଧାନସଭାମାନଙ୍କୁ ଯିବା ଉଚିତ। ଦେଶର ଏକତା ଓ ଅଖଣ୍ଡତା ବିରୋଧରେ ଉଠୁଥିବା ବ୍ୟତିକ୍ରମ ସ୍ବର ପ୍ରତି ସତର୍କ ରହିବା ବିଧାନସଭାର ଦାୟିତ୍ବ ବୋଲି ସେ ଗୁରୁତ୍ବାରୋପ କରି କହିଛନ୍ତି।
ଆମ ଏକତା ହିଁ ଆମ ବିବିଧତାକୁ ସଂରକ୍ଷିତ କରିଛି। ଉନ୍ନତ ଧରଣ ଓ ସୌହାର୍ଦ୍ଦ୍ୟପୂର୍ଣ୍ଣ ବିତର୍କ ନିମନ୍ତେ ବିଧାନସଭାରେ ପୃଥକ୍ ସମୟ ରଖିବା ପାଇଁ ସେ ପ୍ରସ୍ତାବ ଦେଇଛନ୍ତି। ସେ ସବୁ ବିତର୍କ ଗୁରୁତ୍ବପୂର୍ଣ୍ଣ, ସମ୍ମାନଜନକ ଏବଂ ରାଜନୀତି ଠୁ ଊର୍ଦ୍ଧ୍ବରେ ରହିବା ଉଚିତ।
ସେ ଆହୁରି ମଧ୍ୟ କହିଛନ୍ତି ଯେ, ଭାରତରେ ଗଣତନ୍ତ୍ର କେବଳ ଶାସନ ବ୍ୟବସ୍ଥା ନୁହେଁ, ଭାରତର ସ୍ବଭାବ।