ଜାନୁଆରି ୧ରୁ ଗରିବଙ୍କୁ ମାଗଣା ଖାଦ୍ୟଶସ୍ୟ ଯୋଗାଇବ କେନ୍ଦ୍ର
ନୂଆଦିଲ୍ଲୀ : ଆସନ୍ତା କାଲି ଅର୍ଥାତ୍ ଜାନୁଆରି ପହିଲାରୁ ଦେଶରେ ଲାଗୁ ହେବ ସମନ୍ବିତ ଖାଦ୍ୟ ସୁରକ୍ଷା ସ୍କିମ୍ । ଏହା ମାଧ୍ୟମରେ ଦେଶ ପ୍ରାୟ ୮୧.୩ କୋଟି ଲୋକଙ୍କୁ ଏକ ବର୍ଷ ପାଇଁ ମାଗଣା ଖାଦ୍ୟଶସ୍ୟ ଯୋଗାଇ ଦିଆଯିବ ।
Sambad is now on WhatsApp
Join and get latest news updates delivered to you via WhatsApp
ଗତ ୨୩ ଡିସେମ୍ବରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଜାତୀୟ ଖାଦ୍ୟ ସୁରକ୍ଷା ଆଇନ ସମ୍ପର୍କରେ ମଧ୍ୟ ଏକ ବଡ଼ ନିଷ୍ପତ୍ତି ନିଆଯାଇଥିଲା । ଏହି ଆଇନ ଅନୁଯାୟୀ, ୨୦୨୩ ପର୍ଯ୍ୟନ୍ତ ୮୧.୩ କୋଟି ଗରିବ ଲୋକଙ୍କୁ ଏକ ବର୍ଷ ପାଇଁ ମାଗଣା ଖାଦ୍ୟଶସ୍ୟ ଦିଆଯିବ । ଜାତୀୟ ଖାଦ୍ୟ ସୁରକ୍ଷା ଅଧିନିୟମ ଅନୁଯାୟୀ ଗରିବମାନଙ୍କୁ ମାଗଣା ରେସନ ଦେବା ପାଇଁ ପ୍ରାୟ ୨ ଲକ୍ଷ କୋଟି ଟଙ୍କା ଖର୍ଚ୍ଚ ହେବ, ଏହାର ବୋଝ କେନ୍ଦ୍ର ସରକାର ବହନ କରିବେ।
କେନ୍ଦ୍ର ଖାଦ୍ୟ ଏବଂ ସାର୍ବଜନୀନ ବଣ୍ଟନ ମନ୍ତ୍ରୀ ପୀୟୂଷ ଗୋୟଲ କହିଛନ୍ତି ଯେ ଜାତୀୟ ଖାଦ୍ୟ ସୁରକ୍ଷା ଆଇନ ଅନୁଯାୟୀ ସରକାର କିଲୋଗ୍ରାମ ପିଛା ୩ ଟଙ୍କା, ଗହମ କିଲୋଗ୍ରାମ ପିଛା ୨ ଟଙ୍କା ଏବଂ କିଲୋଗ୍ରାମ ପିଛା ୧ ଟଙ୍କା ରେ ମୋଟା ଶସ୍ୟ ପ୍ରଦାନ କରନ୍ତି। ସରକାର ନିଷ୍ପତ୍ତି ନେଇଛନ୍ତି ଯେ ଡିସେମ୍ବର ୨୦୨୩ ସୁଦ୍ଧା ଏହା ସମ୍ପୂର୍ଣ୍ଣ ମାଗଣା ରେ ରହିବ। ଏହା ଦ୍ୱାରା ୮୧.୩୫ କୋଟି ଲୋକ ଉପକୃତ ହେବେ ।