ଖୋର୍ଦ୍ଧା ରେଳ ଡିଭିଜନରେ ହେବ ଗତିଶକ୍ତି ନିର୍ଦ୍ଦେଶାଳୟର ଶାଖା
ନୂଆଦିଲ୍ଲୀ: ପ୍ରଧାନମନ୍ତ୍ରୀ ଗତିଶକ୍ତି ଯୋଜନା ଅନ୍ତର୍ଗତ ପ୍ରକଳ୍ପଗୁଡିକୁ ପ୍ରାଥମିକତା ପ୍ରଦାନ କରିବା ପାଇଁ ଭାରତୀୟ ରେଳ ବୋର୍ଡରେ ଗତିଶକ୍ତି ନିର୍ଦ୍ଦେଶାଳୟ ଗଠନ କରାଯାଇଛି। ଏହି ନିର୍ଦ୍ଦେଶାଳୟର ଶାଖା ରୂପେ ଖୋର୍ଦ୍ଧା, ବିଲାସପୁର, ଦିଲ୍ଲୀ ଏବଂ ବେଙ୍ଗାଲରୁ ରେଳ ଡିଭିଜନକୁ ସାମିଲ କରାଯିବ ବୋଲି ସୁତ୍ରରୁ ଜଣାପଡିଛି। ବିଭିନ୍ନ ଯୋଜନାଗୁଡିକର ତ୍ବରିତ କ୍ରିୟାନ୍ବୟନ ପାଇଁ ଶାଖାଗୁଡିକ ଯୁଦ୍ଧକାଳୀନ ଭିତ୍ତିରେ କାର୍ଯ୍ୟ କରିବ ବୋଲି ରେଳ ମନ୍ତ୍ରାଳୟର ସୁତ୍ରରୁ ଜଣାପଡିଛି।
Sambad is now on WhatsApp
Join and get latest news updates delivered to you via WhatsApp
ଗତିଶକ୍ତି ନିର୍ଦ୍ଦେଶାଳୟ ଓ ଏହାର ଶଖା ଜରିଆରେ ମହତ୍ବପୂର୍ଣ୍ଣ ଯୋଜନାଗୁଡିକର କାର୍ଯ୍ୟକୁ ଶୀଘ୍ର ଶେଷ କରାଯିବାର ଲକ୍ଷ୍ୟ ରହିଛି। ଗତିଶକ୍ତି ନିର୍ଦ୍ଦେଶାଳୟ ଗତିଶକ୍ତି ସହ ଜଡିତ ଯୋଜନା ଗୁଡିକର ଅନୁଧ୍ୟାନ କରି ସର୍ଭେ ଓ ପ୍ରକଳ୍ପ ରିପୋର୍ଟ ପ୍ରସ୍ତୁତ କରିବ।
ଉଲ୍ଲେଖଯୋଗ୍ୟ ପ୍ରଧାନମନ୍ତ୍ରୀ ଗତିଶକ୍ତି ଯୋଜନାକୁ ନିର୍ଦ୍ଧିଷ୍ଟ ସମୟସୀମା ମଧ୍ୟରେ କ୍ରିୟାନ୍ବୟନ କରିବା ଉର୍ଦ୍ଦେଶ୍ୟରେ ଗତିଶକ୍ତି ନିର୍ଦ୍ଦେଶାଳୟର ଗଠନ ପାଇଁ କେନ୍ଦ୍ର ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବ ବିଶେଷ ତତ୍ପରତା ପ୍ରକାଶ କରିଥିବା ସୁତ୍ରରୁ ଜଣାପଡ଼ିଛି।