ନୂଆଦିଲ୍ଲୀ: ସୁଦାନରେ ଫସି ରହିଥିବା ଭାରତୀୟ ନାଗରିକଙ୍କ ଶେଷ ଦଳ ସୁରକ୍ଷିତ ଭାବେ ଭାରତ ଫେରିଛନ୍ତି । ସେମାନଙ୍କୁ ଫେରାଇ ଆଣିବା ପାଇଁ ଭାରତୀୟ ବାୟୁସେନା ମେ ୩ ତାରିଖରେ ଏକ ସ୍ୱତନ୍ତ୍ର ଅପରେସନ୍ କରିଥିଲା। ଏହି ଅପରେସନ ଅଧୀନରେ ଦିଲ୍ଲୀ ନିକଟସ୍ଥ ହିଣ୍ଡନ ଏୟାରବେସରୁ ସାଉଦି ଆରବକୁ ଏକ ସ୍ୱତନ୍ତ୍ର ବିମାନ ପଠାଯାଇଥିଲା, ଯାହା ରାତିରେ ଏହି ଅପରେସନରେ ସେଠାରେ ଫସି ରହିଥିବା ଭାରତୀୟ ନାଗରିକଙ୍କୁ ଫେରାଇ ଆଣି ସୁରକ୍ଷିତ ଭାବେ ଘରକୁ ଫେରିଥିଲା ।
Sambad is now on WhatsApp
Join and get latest news updates delivered to you via WhatsApp
ପ୍ରଥମ ଥର ପାଇଁ ବାୟୁସେନା ନିଜର ସି-୧୭ ଗ୍ଲୋବମାଷ୍ଟର-୩ ପରିବହନ ବିମାନକୁ ରାତାରାତି ଅପରେସନ ପାଇଁ ସାଉଦି ଆରବର ଜେଦ୍ଦାକୁ ପଠାଇଥିଲା, ଯେଉଁଠାରୁ ଏହା ସୁଦାନ ଯାଇଥିଲା । ଏହି ସ୍ୱତନ୍ତ୍ର ଅପରେସନର ଉଦ୍ଦେଶ୍ୟ ଥିଲା ମୁଖ୍ୟତଃ ସେଠାରେ ଫସି ରହିଥିବା ୧୯୨ ଜଣ ଯାତ୍ରୀଙ୍କ ଉଦ୍ଧାର, ଯେଉଁଥିରେ ମହିଳା, ଶିଶୁ, ବୟସ୍କ ଏବଂ ଅସୁସ୍ଥବ୍ୟକ୍ତି ଥିଲେ । ଏହି ଅପରେସନ୍ ସମୟରେ ଯାତ୍ରୀମାନଙ୍କୁ ଜେଦ୍ଦାରେ ଅବତରଣ କରିବାକୁ ଅନୁମତି ଦିଆଯାଇ ନ ଥିବାରୁ ସେମାନଙ୍କୁ ସିଧାସଳଖ ଏକ ନନ୍ ଷ୍ଟପ୍ ବିମାନଯୋଗେ ଭାରତ ଅଣାଯାଇଥିଲା ।
ଏହି ଚ୍ୟାଲେଞ୍ଜିଂ ଅପରେସନ୍ ପାଇଁ ସି-୧୭କୁ ଜେଦ୍ଦାରେ ଇନ୍ଧନ ଭର୍ତ୍ତି କରାଯାଇ ସୁଦାନ ଦେଇ ସିଧାସଳଖ ବିମାନ ଉଡ଼ାଣ କରାଯାଇ ଭାରତକୁ ଅଣାଯାଇଥିଲା। ସଂଘର୍ଷଗ୍ରସ୍ତ ସୁଦାନରେ ଇନ୍ଧନ ଅଭାବରୁ ରକ୍ଷା ପାଇବା ପାଇଁ କର୍ମଚାରୀମାନେ ଅତିରିକ୍ତ ଇନ୍ଧନ ମଧ୍ୟ ନେଇ ଯାଉଥିଲେ। ଯାହାଫଳରେ କୌଣସି ପରିସ୍ଥିତିରେ ଇନ୍ଧନ ପାଇଁ ମଝିରେ ଅଟକିବାର ଆବଶ୍ୟକତା ନାହିଁ। ବିମାନଟି ସୁଦାନରେ ଅବତରଣ କରି ଓଭରହେଡ୍ ଟ୍ୟାକ୍ଟିକାଲ ଲ୍ୟାଣ୍ଡିଂ କରିଥିଲା।