ୟୁରୋପ ଯାତ୍ରା ସମୟରେ ବିମାନ ଭିତରେ ଘଟିଥିବା ଘଟଣା ପରେ ମୁଁ ସୁଶାନ୍ତଙ୍କ ମାନସିକ ରୋଗ ବିଷୟରେ ଜାଣିବାକୁ ପାଇଥିଲି, ୨୦୧୩ରୁ ସେ ଔଷଧ ଖାଉଥିଲେ: ରିୟା ଚକ୍ରବର୍ତ୍ତୀ
ମୁମ୍ବାଇ: ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁ ମାମଲା ଦିନକୁ ଦିନ ଅଧିକ ରହସ୍ୟମୟ ହେବାରେ ଲାଗିଛି। ୬ ଦିନ ହେଲା ସିବିଆଇ ଏହାର ତଦନ୍ତରେ ଲାଗିଥିବା ବେଳେ ଘଟଣାରେ ପ୍ରତିଦିନ ସିବିଆଇକୁ ନୂଆନୂଆ ତଥ୍ୟ ମିଳୁଛି। ତେବେ ଏ ମଧ୍ୟରେ ଅଭିନେତ୍ରୀ ରିୟା ଚକ୍ରବର୍ତ୍ତୀ ଜାତୀୟ ଗଣମାଧ୍ୟମ ଇଣ୍ଡିଆ ଟୁଡେକୁ ସାକ୍ଷାତକାର ଦେଇ ଏକ ବଡ଼ ଖୁଲାସା କରିଛନ୍ତି। ସୁଶାନ୍ତଙ୍କ ମାନସିକ ରୋଗ ବିଷୟରେ ସେ କେବେ ଏବଂ କେମିତି ଜାଣିବାକୁ ପାଇଲେ, ସେ ବିଷୟରେ ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ତାଙ୍କ କହିବା ମୁତାବକ, ଯେତେବେଳେ ଆମେ ୟୁରୋପ ଯାଉଥିଲୁ, ବିମାନ ମଧ୍ୟରେ ସୁଶାନ୍ତ କ୍ଲାଷ୍ଟ୍ରୋଫୋବିକ୍ ଅନୁଭବ କରୁଛନ୍ତି ବୋଲି କହି ବିନା କୌଣସି ପ୍ରେସକ୍ରିପସନରେ ‘ମୋଡାଫିନିଲ୍’ ଔଷଧ ନେଇଥିଲେ। ଯେତେବେଳେ ଆମେ ପ୍ୟାରିସରେ ପହଞ୍ଚିଲୁ, ସେ ତିନି ଦିନ ପର୍ଯ୍ୟନ୍ତ ହୋଟେଲ ରୁମ୍ ରେ ବସି ରହିଥିଲେ। ୟୁରୋପ ଯାତ୍ରା ପୂର୍ବରୁ ସେ କହିଥିଲେ ଯେ, ସେ ବହୁତ ଖୁସି ଅଛନ୍ତି। ସେ ମୋତେ କହିଥିଲେ ଯେ, ଏହି ଯାତ୍ରା ପାଇଁ ସେ ବହୁତ ଉତ୍ସାହିତ ଅଛନ୍ତି କାରଣ ସେ ୟୁରୋପରେ ମୋତେ ତାଙ୍କର ପ୍ରକୃତ ପାର୍ଶ୍ୱ ଦେଖାଇବେ ବୋଲି କହିଥିଲେ | ସେ ରାସ୍ତାରେ ବୁଲିବେ ଏବଂ ମୋ ସହିତ ମଜା କରିବେ ବୋଲି କହିଥିଲେ, ଯାହା ଭାରତରେ ସମ୍ଭବ ନଥିଲା | ଆମେ ପ୍ରକୃତରେ ଖୁସି ଥିଲୁ ବୋଲି କହିଛନ୍ତି ରିୟା |
ସେ ଆହୁରି ମଧ୍ୟ କହିଛନ୍ତି ଯେ, ସୁଇଜରଲ୍ୟାଣ୍ଡରେ ସେ ଭଲ ଥିଲେ। ଏହା ପରେ ଆମେ ଇଟାଲୀରେ ପହଞ୍ଚି ଗୋଥିକ୍ ହୋଟେଲରେ ରହିଲୁ | ଆମ କୋଠରୀରେ ଏକ ଡୋମ ଆକାରର ଜିନିଷ ଥିଲା, ଯାହା ମୋତେ ପସନ୍ଦ ନଥିଲା | ମୁଁ ତାଙ୍କୁ ହୋଟେଲ ବଦଳାଇବା ପାଇଁ କହିଥିଲି, କିନ୍ତୁ ସେ ସେଠାରେ ରହିବାକୁ ଜିଦ୍ ଧରିଥିଲେ। ସେଠାରେ ତାଙ୍କର ସ୍ୱାସ୍ଥ୍ୟ ଖରାପ ହେବା ଆରମ୍ଭ ହୋଇଥିଲା ଏବଂ ସେ ଅବସାଦଗ୍ରସ୍ତ ହେବା ଆରମ୍ଭ କରି ଦେଇଥିଲେ। ଯେତେବେଳେ ମୁଁ ତାଙ୍କୁ ପଚାରିଲି ଏସବୁ କ’ଣ ହେଉଛି, ସେ ମୋତେ କହିଥିଲେ ଯେ, ୨୦୧୩ରେ ସେ ଅବସାଦଗ୍ରସ୍ତ ଥିଲେ ଏବଂ ଏ ନେଇ ସେ ହରେଶ ସେଟ୍ଟୀ ନାମକ ଜଣେ ମାନସିକ ରୋଗ ବିଶେଷଜ୍ଞଙ୍କୁ ଭେଟିଥିଲେ। ସେହି ଡାକ୍ତର ତାଙ୍କୁ ‘ମୋଡାଫିନିଲ’ ନେବାକୁ ପରାମର୍ଶ ଦେଇଥିଲେ, ଯାହାକୁ ସେ ବିମାନରେ ଯାତ୍ରା କରିବା ସମୟରେ ଖାଇଥିଲେ । ଔଷଧ ନେବା ପରେ ସେ ଠିକ୍ ହୋଇଯାଇଥିଲେ। କିନ୍ତୁ ଏବେ ପୁଣି ଅବସାଦଗ୍ରସ୍ତ ଅନୁଭବ କରୁଛି ବୋଲି ସୁଶାନ୍ତ ମୋତେ ଜଣାଇଥିଲେ, ଯାହା ପରେ ଆମେ ୟୁରୋପରୁ ଫେରି ଆସିଥିଲୁ।