ତେଜସ୍‌ ଏକ୍ସ୍‍ପ୍ରେସ୍‌ର ଶୁଭ ଉଦ୍‌ଘାଟନ କଲେ ଯୋଗୀ ଆଦିତ୍ୟ ନାଥ

ନୂଆଦିଲ୍ଲୀ: ଶୁକ୍ରବାର ଦିନ ଲକ୍ଷ୍ନୌ ଓ ନୂଆଦିଲ୍ଲୀ ରାସ୍ତାରେ ଚଳାଚଳ ନିମନ୍ତେ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଭାରତର ପ୍ରଥମ ଘରୋଇ ଆଂଶିକ ଦ୍ରୁତଗାମୀ ଟ୍ରେନ୍‌ ‘ତେଜସ୍‌ ଏକ୍ସ୍‍ପ୍ରେସ୍‌’ର ଶୁଭ ଉଦ୍ଘାଟନ କରିଛନ୍ତି।

ତେଜସ୍‌ ଏକ୍ସପ୍ରେସ୍‌ ହେଉଛି ଭାରତୀୟ ରେଳବାଇ ପ୍ରଥମ ଟ୍ରେନ୍‌ ଯାହା ତା’ର ସହାୟକ ‘ଇଣ୍ଡିଆନ୍‌ ରେଲ୍‌େଓ୍ଵଜ୍‌ କ୍ୟାଟରିଙ୍ଗ୍‌ ଆଣ୍ଡ୍‌ ଟୁରିଜମ୍‌ କର୍ପୋରେସନ୍‌ (ଆଇଆର୍‌ସିଟିସି) ଦ୍ୱାରା ଚଳାଚଳ କରିବ।

ରାଜସ୍ୱ ବଢ଼ାଇବା ନିମନ୍ତେ ରେଳ ମନ୍ତ୍ରାଳୟ ଗ୍ରହଣ କରିଥିବା ୧୦୦ ଦିନିଆ ଆକ୍‌ସନ୍‌ ପ୍ଲାନ୍‌ ଅନୁସାରେ ଘରୋଇ ବ୍ୟବସ୍ଥାକୁ ହସ୍ତାନ୍ତର କରିବାକୁ ନିଷ୍ପତ୍ତି ନିଆଯାଇଥିଲା।

Image Source: Zee News

ଶନିବାର ଠାରୁ ଏହି ବ୍ୟାବସାୟିକ ଯାତ୍ରା ଆରମ୍ଭ ହେବ। ତେଜସ୍‌ ଏକ୍ସପ୍ରେସ୍‌ ଟ୍ରେନ୍‌ ନମ୍ବର ୮୨୫୦୧ ସକାଳ ୬: ୧୦ ମିନିଟ୍‌ରେ ଲକ୍ଷ୍ନୌରୁ ବାହାରି ଅପରାହ୍ଣ ୧୨: ୨୫ରେ ନୂଆଦିଲ୍ଲୀ ରେଳବାଇ ଷ୍ଟେସନ୍‌ରେ ପହଞ୍ଚି।

ଫେରନ୍ତା ଯାତ୍ରାରେ ଟ୍ରେନ୍‌ ନମ୍ବର ୮୨୫୦୨ ୩: ୩୫ ମିନିଟ୍‌ରେ ଦିଲ୍ଲୀ ଛାଡ଼ି ରାତି ୧୦: ୦୫ରେ ଲକ୍ଷ୍ନୌରେ ପହଞ୍ଚିବ। ଅର୍ଥାତ୍‌ ଏହି ଟ୍ରେନ୍‌ ଛଅ ଘଣ୍ଟା ୧୫ ମିନିଟ୍‌ରେ ସମଗ୍ର ଦୂରତା ଅତିକ୍ରମ କରିବ।

ମଙ୍ଗଳବାର ବ୍ୟତୀତ ସପ୍ତାହର ବାକି ଛଅ ଦିନ ଚଳାଚଳ କରିବ।