ନୂଆଦିଲ୍ଲୀ: କରୋନା ସଂକ୍ରମଣ ରୋକିବା ପାଇଁ ସାରା ବିଶ୍ୱରେ ବୈଜ୍ଞାନିକମାନେ ଦିନରାତି କାମ କରୁଛନ୍ତି। କୋଭିଡ -୧୯କୁ ନିୟନ୍ତ୍ରଣ କରିବା ପାଇଁ ବାରମ୍ବାର ପରୀକ୍ଷଣ ମଧ୍ୟ କରାଯାଉଛି। ନିକଟରେ ହୋଇଥିବା ଏକ ଅଧ୍ୟୟନ ପରେ ବିଶେଷଜ୍ଞମାନେ ଦାବି କରିଛନ୍ତି ଯେ ଗ୍ରୀନ୍ ଟି, ଚୋକବେରୀଏବଂ ଡାଳିମ୍ବ ରସ କରୋନା ସଂକ୍ରମଣକୁ ରୋକିବା ପାଇଁ ସକ୍ଷମ ହୋଇପାରେ।
Sambad is now on WhatsApp
Join and get latest news updates delivered to you via WhatsApp
ଏହାକୁ ନେଇ ଇନଷ୍ଟିଚ୍ୟୁଟ୍ ଅଫ୍ ମାଲକ୍ୟୁଲାର ଭାଇରୋଲୋଜି, ୟୁଏଲଏମ ୟୁନିଭରସିଟି ମେଡିକାଲ୍ ସେଣ୍ଟର ଏବଂ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଜର୍ମାନି) ଦ୍ୱାରା କରାଯାଇଥିବା ଏକ ପରୀକ୍ଷଣରେ ଭଲ ଫଳାଫଳ ବାହାରିଥିବା ଦାବି କରାଯାଉଛି। ଅନୁସନ୍ଧାନକାରୀମାନେ କହିଛନ୍ତି ଯେ ଏହି ତିନୋଟି ଜିନିଷ କୋଷରେ ସଂକ୍ରମଣକୁ ବୃଦ୍ଧି ହେବାକୁ ଦେଇ ନଥାଏ।
ଏହି ଅଧ୍ୟୟନ ପାଇଁ ବୈଜ୍ଞାନିକମାନେ ହର୍ବାଲ ପଦାର୍ଥ ଯେପରିକି ଇନଫ୍ଲୁଏଞ୍ଜା ଏ ଭାଇରସ, ଏଡିନୋ ଭାଇରସ୍ ଟାଇପ-୫ ଏବଂ SARS-CoV-୨କୁ ଏକାଠି କଠୋରୀରେ ତାପମାତ୍ରାରେ ରଖିଥିଲେ। ଏହା ପରେ ଜୀବାଣୁଙ୍କର ସଂକ୍ରମଣକୁ ନିର୍ଣ୍ଣୟ କରିଥିଲେ। ଏହି ପରୀକ୍ଷଣ ପରେ ଅନୁସନ୍ଧାନକାରୀମାନେ ଆଶ୍ଚର୍ଯ୍ୟଜନକ ଫଳାଫଳ ପାଇଥିଲେ |
ରିପୋର୍ଟ ଅନୁଯାୟୀ, ଚକୋବେରୀର ରସ ଜୀବାଣୁ ସଂକ୍ରମଣକୁ ୩୦୦୦ ଗୁଣ ହ୍ରାସ କରିବାରେ ସକ୍ଷମ ହୋଇପାରୁଛି। ସେହିପରି ଡାଳିମ୍ବ ରସ, ଏଲଡରବେରୀର ରସ ଏବଂ ଗ୍ରୀନ୍ ଟି ଭାଇରସ୍ ସଂକ୍ରମଣକୁ ୧୦ ଗୁଣ ହ୍ରାସ କରିପାରୁଛି।
ଅନୁସନ୍ଧାନକାରୀମାନେ ସ୍ବାଇନ ଫ୍ଲୁ ଭାଇରସ ଉପରେ ମଧ୍ୟ ଏହି ସବୁ ଜିନିଷକୁ ନେଇ ଏକ ବି ପରୀକ୍ଷଣ କରିଥିଲେ। ଏହି ପରୀକ୍ଷଣରେ ସେ ଜାଣିବାକୁ ପାଇଲେ ଯେ ଏହି ଚାରିଟି ଜିନିଷ ୫ ମିନିଟରେ ୯୯ପ୍ରତିଶତ ଜୀବାଣୁ ସଂକ୍ରମଣକୁ ଦୂର କରିପାରୁଛନ୍ତି।
ରିପୋର୍ଟ ଅନୁଯାୟୀ, ଚକୋବେରୀ ରସ SARS-CoV-୨ ର ସଂକ୍ରମଣକୁ ୫ ମିନିଟରେ ୯୭% ପର୍ଯ୍ୟନ୍ତ ହ୍ରାସ କରୁଥିବା ବେଳେ ଡାଳିମ୍ବ ରସ ଏବଂ ଗ୍ରୀନ୍ ଟି ଏହାର ପ୍ରଭାବକୁ ୮୦% ହ୍ରାସ କରିପାରୁଛି। ଅଧ୍ୟୟନ ପରେ ଅନୁସନ୍ଧାନକାରୀମାନେ ଏହି ସବୁ ଜିନିଷକୁ ଆପଣାଇ କୋଭିଡ -୧୯ ସଂକ୍ରମଣକୁ କିଛି ମାତ୍ରାରେ ରୋକି ପାରି ହେବ ବୋଲି କହିଛନ୍ତି।