ଚଳିତ ଗ୍ରୀଷ୍ମରେ ପ୍ରଥମ! ଅଂଶୁଘାତରେ ୩ ମୃତ
ଗୁଣପୁର/କାଲିମେଳା/ବୌଦ୍ଧ : ଆଜି ରାଜ୍ୟର କେତେକ ସ୍ଥାନରେ ଅଂଶୁଘାତ ଜନିତ କାରଣରୁ ୩ ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି। ସେମାନଙ୍କ ମଧ୍ୟରୁ ଅବିଭକ୍ତ କୋରାପୁଟ ଜିଲ୍ଲାର ୨ ଜଣଙ୍କ ମୃତ୍ୟୁ ହୋଇଥିବାବେଳେ ବୌଦ୍ଧରେ ଜଣଙ୍କର ମୃତ୍ୟୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ଅବିଭକ୍ତ କୋରାପୁଟ ଜିଲ୍ଲାର ମୃତକ ଦ୍ୱୟ ହେଲେ ରାୟଗଡା ଜିଲ୍ଲା ପୁଟାସିଂ ଥାନା ଅନ୍ତର୍ଗତ ଲିମାଲିଗୁଡା ଗ୍ରାମର ଫ୍ରାନସିସ ଶବର(୪୫) ଓ ମାଲାକନଗିରି ଜିଲ୍ଲା ପୋଟେରୁ ଫାଣ୍ଡି ଅନ୍ତର୍ଗତ ଚିତ୍ରାଙ୍ଗପାଲୀ ପଞ୍ଚାୟତ ସୁପାଲୁ ଗ୍ରାମର ସନା ବେଟି(୫୫)। ସେହିଭଳି, ବୌଦ୍ଧ ବ୍ଲକ ମୁର୍ଷୁଣ୍ଢି ପଞ୍ଚାୟତ ଗମ୍ଭାରୀପଦର ଗ୍ରାମର ବାବୁଲା ସାହୁ (୪୫ବର୍ଷ)ଙ୍କ ଅଂଶୁଘାତରେ ମୃତ୍ୟୁ ହୋଇଥିବା ପରିବାର ତରଫରୁ ଅଭିଯୋଗ ହୋଇଛି। ୩ ଜଣଙ୍କର ମୃତ୍ୟୁ ଚଳିତ ଗ୍ରୀଷ୍ମଋତୁରେ ପ୍ରଥମ ଘଟଣା ବୋଲି କୁହାଯାଉଛି।