ଗୁଜରାଟ ଉପକୂଳରୁ ୬୨୦ କୋଟି ଟଙ୍କାର ଡ୍ରଗ୍ସ ଜବତ, ୧୪ ଜଣ ପାକିସ୍ତାନୀ ନାଗରିକ ଗିରଫ
ଗାନ୍ଧୀନଗର: ଗୁଜରାଟ ଉପକୂଳରୁ ୬୨୦ କୋଟି ଟଙ୍କାର ଡ୍ରଗ୍ସ ଜବତ, ୧୪ ଜଣ ପାକିସ୍ତାନୀ ନାଗରିକ ଗିରଫ ହୋଇଥିବା ସୂଚନା । ଏଟିଏସ ଏବଂ ଏନସିବିର ମିଳିତ ଅପରେସନରେ ବିପୁଳ ପରିମାଣର ଡ୍ରଗ୍ସ ଜବତ ହୋଇଥିବା ଜଣାପଡିଛି । ଭାରତ-ପାକିସ୍ତାନ ସମୁଦ୍ର ସୀମାରେ ୪୮ ଘଣ୍ଟା ଧରି ଚାଲିଥିଲା ଏହି ଅପରେସନ । ସମୁଦ୍ରପଥ ଦେଇ ମାଦକଦ୍ରବ୍ୟ ଚାଲାଣ ସମୟରେ ପାକିସ୍ତାନୀ ନାଗରିକଙ୍କ ଏହି ବୋଟକୁ ନିଜ ନିୟନ୍ତ୍ରଣକୁ ନେଇଥିଲା ଏନସିବି ଓ ଏସଟିଏଫର ସ୍ୱତନ୍ତ୍ର ଟିମ୍ ।
Sambad is now on WhatsApp
Join and get latest news updates delivered to you via WhatsApp
ଏମାନଙ୍କ ନିକଟରୁ ୮୬ କିଲୋଗ୍ରାମ ଡ୍ରଗ୍ସ ଜବତ ହୋଇଥିବା ବେଳେ ଏହାର ଆନୁମାନିକ ମୂଲ୍ୟ ୬୨୦ କୋଟି ଟଙ୍କା ହେବ । ଏହି ଅବରେସନ ସମୟରେ ପାକିସ୍ତାନୀ ନାଗରିକ ମାନେ ଏଟିଏସ ଏବଂ ଏନସିବି ଟିମ୍ ଉପରେ ଆକ୍ରମଣ କରିବାକୁ ମଧ୍ୟ ଉଦ୍ୟମ କରିଥିଲେ । ତେବେ ଏଟିଏସ ଏବଂ ଏନସିବି ଟିମ ଗୁଳିମାଡ଼ କରିବାରୁ ପାକିସ୍ତାନୀ ନାଗରିକ ମାନେ ଆତ୍ମସମର୍ପଣ କରିବାକୁ ବାଧ୍ୟ ହୋଇଥିେଲେ । ଜବତ ମାଦକ ଦ୍ରବ୍ୟ ସମେତ ୧୪ ଗିରଫ ପାକିସ୍ତାନୀ ନାଗରିକଙ୍କୁ ଗୁଜରାଟ ପୋରବନ୍ଦରକୁ ଅଣାଯାଇଥିବା ଜଣାପଡିଛି ।