ଏହି କାରଣରୁ ଚୀନରୁ ପାକିସ୍ତାନକୁ ଯାଉଥିବା ଜାହାଜକୁ ଅଟକାଇଲା ଭାରତ
ମୁମ୍ବାଇ: ଭାରତୀୟ ସୁରକ୍ଷା ଏଜେନ୍ସିର ଅଧିକାରୀମାନେ ଚୀନରୁ ପାକିସ୍ତାନ ଯାଉଥିବା ଏକ ଜାହାଜକୁ ମୁମ୍ବାଇର ନାଭା ଶେଭା ବନ୍ଦରରେ ଅଟକ ରଖିଛନ୍ତି | ଅଧିକାରୀମାନେ କହିଛନ୍ତି ଯେ ସନ୍ଦେହ ଆଧାରରେ କରାଚି ଯାଉଥିବା ଏହି ଜାହାଜକୁ ଅଟକ ରଖାଯାଇଛି | ସୂଚନା ମୁତାବକ, ଏହି ଜାହାଜରେ କିଛି ସନ୍ଦେହଜନକ ଜିନିଷ ମିଳିଥିଲା ଯାହା ପାକିସ୍ତାନର ପରମାଣୁ ଏବଂ ବାଲିଷ୍ଟିକ୍ କ୍ଷେପଣାସ୍ତ୍ର ପ୍ରୋଗ୍ରାମ ପାଇଁ ବ୍ୟବହୃତ ହୋଇଥାନ୍ତା | ଯେତେବେଳେ ଏନେଇ ଗୁପ୍ତଚର ସୂଚନା ମିଳିଲା, କଷ୍ଟମ୍ସ ଅଧିକାରୀମାନେ କମ୍ପ୍ୟୁଟର ନ୍ୟୁମେରିକାଲ୍ କଣ୍ଟ୍ରୋଲ୍ (ସିଏନ୍ସି) ମେସିନ୍ ସମେତ ସାମଗ୍ରୀ ଯାଞ୍ଚ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଡିଆରଡିଓ ଅଧିକାରୀମାନେ ମଧ୍ୟ ଯାଞ୍ଚ କରିଛନ୍ତି । ପ୍ରତିରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ (DRDO) ର ଏକ ଟିମ୍ ପାକିସ୍ତାନ ଯାଉଥିବା ଏହି ଜାହାଜର ପରିବହନ ସାମଗ୍ରୀ ଯାଞ୍ଚ କରିଛି। ସେମାନେ କହିଛନ୍ତି ଯେ ପରମାଣୁ ବୋମା ନିର୍ମାଣ ପାଇଁ ପାକିସ୍ତାନ ଏହି ସାମଗ୍ରୀକୁ ବ୍ୟବହାର କରିଥାନ୍ତା । ମୁମ୍ବାଇ ବନ୍ଦରରେ ଅଟକି ରହିଥିବା ଏହି ଜାହାଜରେ ପରମାଣୁ ଏବଂ ବାଲିଷ୍ଟିକ୍ କ୍ଷେପଣାସ୍ତ୍ର ନିର୍ମାଣ ପାଇଁ ଇଟାଲୀ କମ୍ପାନୀ ଦ୍ୱାରା ନିର୍ମିତ ଏକ କମ୍ପ୍ୟୁଟର ନ୍ୟୁମେରିକାଲ୍ କଣ୍ଟ୍ରୋଲ୍ (ସିଏନ୍ସି) ମେସିନ୍ ମିଳିଛି | ଜଟିଳ କ୍ଷେପଣାସ୍ତ୍ର ନିର୍ମାଣ ପାଇଁ ଏହା ବ୍ୟବହୃତ ହୁଏ | କୁହାଯାଉଛି ଯେ ଏସବୁ ସାମଗ୍ରୀ ଚୀନରୁ ଆସୁଥିଲା | ଚୀନରୁ ପାକିସ୍ତାନ ଯାଉଥିବା ଜାହାଜରେ ଆଣବିକ ବାଲିଷ୍ଟିକ୍ କ୍ଷେପଣାସ୍ତ୍ର ସହ ଜଡିତ ସାମଗ୍ରୀ ମିଳିବା ପରେ ଅନେକ ପ୍ରଶ୍ନ ଉଠିଛି। କୁହାଯାଉଛି ଯେ ପାକିସ୍ତାନ ବର୍ତ୍ତମାନ ୟୁରୋପ ଏବଂ ଆମେରିକାରୁ ନିଷିଦ୍ଧ ସାମଗ୍ରୀ ନ କିଣି ଚୀନଠାରୁ ଆଣୁଛି |