ଦେଶର ବିକାଶକୁ ଗତି ମିଳିବ: ବଜେଟ୍ ଉପରେ ମୋଦୀଙ୍କ ପ୍ରତିକ୍ରିୟା
ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ଅନ୍ତରୀଣ ବଜେଟ୍ ଉପସ୍ଥାପନ କରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଏହି ବଜେଟ୍ ଦେଶର ବିକାଶକୁ ତ୍ୱରାନ୍ୱିତ କରିବ। ଯୁବ, କୃଷକ, କ୍ଷୁଦ୍ର ଉଦ୍ୟୋଗପତି ଓ ମହିଳାଙ୍କ ପାଇଁ ଏହି ବଜେଟ୍ ଅତ୍ୟନ୍ତ ସ୍ୱତନ୍ତ୍ର ବୋଲି ସେ କହିଛନ୍ତି। ଏହି ଐତିହାସିକ ବଜେଟ୍ ୨୦୪୭ ପର୍ଯ୍ୟନ୍ତ ଦେଶର ବିକାଶ କରାଇବ ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଏହି ବଜେଟ୍ ଅନ୍ତରୀଣ ହୋଇପାରେ କିନ୍ତୁ ଆଗାମୀ ବର୍ଷ ଗୁଡ଼ିକ ପାଇଁ ଏହା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ଏହି ବଜେଟର ପ୍ରଭାବ ଦେଶର ଶେଷ ବ୍ୟକ୍ତିଙ୍କ ପର୍ଯ୍ୟନ୍ତ ଦେଖିବାକୁ ମିଳିବ । ଏହି ବଜେଟ୍ ଦ୍ୱାରା କୃଷକ, ଯୁବକ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ, ବ୍ୟବସାୟୀ ଓ ମହିଳାମାନେ ଉପକୃତ ହେବେ। କୃଷକଙ୍କ ଆୟ ବଢ଼ାଇବା ଆମର ଲକ୍ଷ୍ୟ, ଯାହା ଚଳିତ ବଜେଟରେ ହାସଲ ହୋଇଛି ବୋଲି ସେ କହିଛନ୍ତି। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆଜିର ବଜେଟ୍ ଏକ ଅନ୍ତର୍ଭୁକ୍ତ ଏବଂ ଅଭିନବ ବଜେଟ୍ ।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଆମେ ପ୍ରଥମେ ଏକ ବଡ଼ ଲକ୍ଷ୍ୟ ସ୍ଥିର କରୁ, ଏହାକୁ ହାସଲ କରିଥାଉ ଏବଂ ତା’ପରେ ନିଜ ପାଇଁ ଏକ ବଡ଼ ଲକ୍ଷ୍ୟ ସ୍ଥିର କରିଥାଉ। ଗାଁ ଓ ସହରରେ ଗରିବଙ୍କ ପାଇଁ ଆମେ ୪ କୋଟିରୁ ଅଧିକ ଘର ନିର୍ମାଣ କରିଥିଲୁ ଏବଂ ଏବେ ଆହୁରି ୨ କୋଟି ଘର ନିର୍ମାଣ କରିବାକୁ ଲକ୍ଷ୍ୟ ଧାର୍ଯ୍ୟ କରିଛୁ।