ଭୁବନେଶ୍ବର: ଦୋକାନ, ମାର୍କେଟ୍ରେ ସାମାଜିକ ଦୂରତା ରକ୍ଷା କରୁ ନ ଥିବାରୁ ବିଏମ୍ସି ଜୁନ୍ ୧୨ ଓ ୧୩ତାରିଖରେ ୧୬ଟି ଦୋକାନ ସହ ମାର୍କେଟ୍ ବିଲଡିଂ ସିଲ୍ କରିଥିଲା। ଏହାପରେ ଆଜି ଠାରୁ ମାସ୍କ ପିନ୍ଧୁ ନ ଥିବା ଲୋକ, ରାସ୍ତା ଅପରିଷ୍କାର କରୁଥିବା ଲୋକ ଓ ବ୍ୟବସାୟୀଙ୍କ ଠାରୁ ଜରିମାନା ଆଦାୟ କରିଛି। ରାଜଧାନୀର ବିଭିନ୍ନ ଛକରେ ବିଏମ୍ସି ସ୍କ୍ବାଡ୍ ଲୋକଙ୍କ ଠାରୁ ଜରିମାନା ଆଦାୟ କରିଛନ୍ତି। ବିଏମ୍ସି ଦକ୍ଷିଣ-ପୂର୍ବ ଜୋନ୍ ପକ୍ଷରୁ ମାସ୍କ ପିନ୍ଧି ନ ଥିବା ଲୋକଙ୍କ ଠାରୁ ୧୨ହଜାର ଟଙ୍କା ଓ ରାସ୍ତା ଅପରିଷ୍କାର କରୁଥିବା ଲୋକଙ୍କ ଠାରୁ ୯୦୦ ଟଙ୍କା ଆଦାୟ କରିଛି। ଅର୍ଥାତ୍ ମୋଟ୍ ୧୨,୯୦୦ଟଙ୍କା ଜରିମାନା ଆଦାୟ ହୋଇଛି। ସେହିପରି ଉତ୍ତର ଜୋନ୍ରେ ମାସ୍କ ପିନ୍ଧି ନ ଥିବା ଲୋକଙ୍କ ଠାରୁ ୫ହଜାର ଏବଂ ରାସ୍ତା ଅପରିଷ୍କାର କରୁଥିବା ବ୍ୟବସାୟୀଙ୍କ ଠାରୁ ୯,୫୦୦ଟଙ୍କା ଜରିମାନା ଆଦାୟ ହୋଇଛି। ଏହିପରି ମୋଟ୍ ୧୪,୫୦୦ଟଙ୍କା ଜରିମାନା ଆଦାୟ ହୋଇଛି। ଆଗକୁ ଏହିପରି ଜରିମାନା ଆଦାୟ ଜୋରଦାର୍ କରାଯିବ ବୋଲି ବିଏମ୍ସି ପକ୍ଷରୁ କୁହାଯାଇଛି।