ଏହି କାରଣ ପାଇଁ ଘୁଞ୍ଚିଲା ‘ଦେବରା’ର ରିଲିଜ୍ ତାରିଖ
ମୁମ୍ବାଇ: ସାଉଥ ସୁପରଷ୍ଟାର ଜୁନିଅର ଏନଟିଆର ଏବେ ତାଙ୍କର ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଦେବରା’ ପାଇଁ ଚର୍ଚ୍ଚାରେ ଅଛନ୍ତି। ନିକଟରେ ଏହି ଚଳଚ୍ଚିତ୍ରର ଟିଜର ରିଲିଜ ହୋଇଛି, ଯାହା ପରେ ଚଳଚ୍ଚିତ୍ରର ରିଲିଜକୁ ନେଇ ପ୍ରଶଂସକମାନଙ୍କ ଉତ୍ସାହ ବଢ଼ିଛି। ଦର୍ଶକଙ୍କ ଉତ୍ସାହ ବଢ଼ାଇ ଦେଇଥିବା ଟିଜରରେ ଉତ୍କୃଷ୍ଟ ଭିଏଫଏକ୍ସ ଦେଖିବାକୁ ମିଳିଥିବା ବେଳେ ଫିଲ୍ମର ରିଲିଜ୍ ତାରିଖ ଘୁଞ୍ଚିଥିବା ଖବର ଏବେ ସାମ୍ନାକୁ ଆସିଛି।
Sambad is now on WhatsApp
Join and get latest news updates delivered to you via WhatsApp
ପୂର୍ବରୁ ‘ଦେବରା’ ଏପ୍ରିଲ ୫ରେ ପ୍ରେକ୍ଷାଳୟରେ ମୁକ୍ତିଲାଭ କରିବାର ଥିଲା। କିନ୍ତୁ ବର୍ତ୍ତମାନ ନିର୍ମାତାମାନେ ଏହି ତାରିଖରେ ଫିଲ୍ମ ରିଲିଜ୍ ନ କରିବାକୁ ନିଷ୍ପତ୍ତି ନେଇଛନ୍ତି। ରିଲିଜ୍ ତାରିଖ ବଦଳିଥିଲେ ବି କେବେ ଫିଲ୍ମ ରିଲିଜ୍ ହେବ ତାହା ସାମ୍ନାକୁ ଆସିନାହିଁ। କୁହାଯାଉଛି ଯେ, ନିର୍ମାତା ଏବଂ ଏନଟିଆର ଚଳଚ୍ଚିତ୍ରର ଭିଏଫଏକ୍ସରେ ଯଥାସମ୍ଭବ ଭଲ କାମ କରିବାକୁ ଚାହୁଁଛନ୍ତି। ସେ ଦର୍ଶକଙ୍କୁ ସର୍ବୋତ୍ତମ ଭିଏଫଏକ୍ସ ଏବଂ ସର୍ବୋତ୍ତମ ସିନେମାଟୋଗ୍ରାଫି ଦେବାକୁ ଚାହୁଁଛନ୍ତି। ଏଥିପାଇଁ ସେମାନଙ୍କୁ ଅଧିକ ସମୟ ଦରକାର। ତେଣୁ ନିର୍ମାତାମାନେ ଏହି ଚଳଚ୍ଚିତ୍ରକୁ ଏପ୍ରିଲରେ ରିଲିଜ ନକରି ଅଧିକ ସମୟ ନେବାକୁ ନିଷ୍ପତ୍ତି ନେଇଛନ୍ତି।
ଏହା ସହ ଫିଲ୍ମର ଆଉ ୨୦ଦିନର ସୁଟିଂ ବାକିଥିବା ବେଳେ ଖଳନାୟକ ଚରିତ୍ରରେ ଥିବା ସୈଫ୍ ଅଲୀ ଖାନଙ୍କ ଅସ୍ତ୍ରୋପଚାର ହୋଇଛି। ଏହା ମଧ୍ୟ ରିଲିଜ୍ ତାରିଖ ଘୁଞ୍ଚିବାର ଏକ କାରଣ ବୋଲି କୁହାଯାଉଛି।