ତେଲୁଗୁ ଅଭିନେତ୍ରୀଙ୍କୁ ଦୁଷ୍କର୍ମ ମାମଲା : ରାଣା ଦଗ୍ଗୁବତୀଙ୍କ ଭାଇ ଅଭିରାମ ଦୁଷ୍କର୍ମ କରିଥିବା ଅଭିଯୋଗ ଆଣିଲେ ଶ୍ରୀ
ନୂଆଦିଲ୍ଲୀ : ଟଲିଉଡ୍ ଅଭିନେତ୍ରୀ ଶ୍ରୀ ରେଡ୍ଡି ଗତ ଶନିବାର ଫିଲ୍ମ ଇଣ୍ଡଷ୍ଟ୍ରିରେ ଚାଲୁଥିବା କାଷ୍ଟିଙ୍ଗ କାଉଚ୍କୁ ନେଇ ସ୍ୱର ଉତ୍ତୋଳନ କରିଥିଲେ । ତାଙ୍କ ସହ କରାଯାଇଥିବା ଦୁଷ୍କର୍ମର ପ୍ରତିବାଦ କରିବାକୁ ଯାଇ ସେ ହାଇଦ୍ରାବାଦ୍ସ୍ଥିତ ତେଲୁଗୁ ଫିଲ୍ମ ଚାମ୍ବର ଅଫ୍ କମର୍ସ କାର୍ଯ୍ୟାଳୟ ସାମ୍ନାରେ ନଗ୍ନ ହୋଇଥିଲେ । ତାଙ୍କର ଏଭଳି ଅବସ୍ଥା ପାଇଁ ପ୍ରଯୋଜକ ସୁରେଶ ବାବୁଙ୍କ ପୁଅ ଦାୟୀ ବୋଲି ଆରୋପ ଲଗାଇବା ସହ ସେ ନ୍ୟାୟ ପାଇଁ କାର୍ଯ୍ୟାଳୟ ସାମ୍ନାରେ ବସି ରହିଥିଲେ । ଶ୍ରୀ ରେଡ୍ଡିଙ୍କ ଏହି ପ୍ରତିବାଦ ସାରା ଦେଶରେ ଚର୍ଚ୍ଚାର ବିଷୟ ପାଲଟିଥିବା ବେଳେ ସୁରେଶ ବାବୁଙ୍କ ଦୁଇ ପୁଅ ମଧ୍ୟରୁ ଅଭିଯୁକ୍ତ କିଏ ବୋଲି ସମସ୍ତଙ୍କ ମନରେ ପ୍ରଶ୍ନ ଉଠିବା ଆରମ୍ଭ ହୋଇଥିଲା ।
ପ୍ରତିବାଦ କରିବା ପରେ ପରେ ସେ ପ୍ରକୃତ ଅଭିଯୁକ୍ତ କିଏ କହି ନ ଥିବା ବେଳେ କିଛି ଘଣ୍ଟା ତଳେ ସେ ଏକ ତେଲୁଗୁ ନିଉଜ୍ ଚ୍ୟାନେଲକୁ ସାକ୍ଷାତକାର ଦେଇ ଅଭିଯୁକ୍ତର ନାମ ଘୋଷଣା କରିଥିବା ଜଣାପଡ଼ିଛିି । ଅଭିଯୁକ୍ତ ଜଣଙ୍କ ପ୍ରଯୋଜକ ସୁରେଶ ବାବୁଙ୍କ ପୁଅ ଅଭିରାମ ଦଗ୍ଗୁବତୀ ବୋଲି ସେ କହିଛନ୍ତି । ସୁରେଶ ବାବୁଙ୍କୁ ଦୁଇ ପୁଅ ରାଣା ଦଗ୍ଗୁବତୀ ଏବଂ ଅଭିରାମ ଦଗ୍ଗୁବତୀଙ୍କ ମଧ୍ୟରୁ କିଏ ଶ୍ରୀଙ୍କ ସହ ଦୁଷ୍କର୍ମ କରିଥିଲେ ସେ ନେଇ ସମସ୍ତେ ଦ୍ୱନ୍ଦ୍ୱରେ ଥିବା ବେଳେ ଶ୍ରୀ ସମସ୍ତଙ୍କ ଦ୍ୱନ୍ଦ୍ୱକୁ ଦୂର କରିଛନ୍ତି । ଏହି ସାକ୍ଷାତକାରରେ ସେ ନିଜର ଏବଂ ଅଭିରାମଙ୍କ ଫଟୋ ମଧ୍ୟ ସମସ୍ତଙ୍କୁ ଦେଖାଇଥିଲେ, ଯାହା ସେ ନିଜ ଟ୍ଵିଟର ଆକାଉଣ୍ଟରେ ମଧ୍ୟ ସେୟାର କରିଥିବା ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
Whoever leaked these, wait for my turn for #SriReddyLeaks Coming Soon.. I won’t forgive you people this time !!!!!!! #SriReddy #SriLeaks pic.twitter.com/W8C0ZsJnly
— Sri Reddy (@srireddyleaks) April 11, 2018
ଶ୍ରୀ ନିଜର ଏପରି ଅବସ୍ଥା ପାଇଁ ନିଉଜ୍ ଚ୍ୟାନେଲରେ ସର୍ବସମ୍ମୁଖରେ ଅଭିରାମଙ୍କୁ ଦାୟୀ କରିବା ସହ ସମସ୍ତେ ମୋତେ ପ୍ରମାଣ ମାଗୁଥିଲେ । ଏବେ ସମସ୍ତଙ୍କୁ ସେମାନଙ୍କ ପ୍ରଶ୍ନର ଉତ୍ତର ମିଳି ଯାଇଥିବ । ପ୍ରଥମେ ମୁଁ ଅଭିରାମଙ୍କ ନାଁ ନେବାକୁ ଚାହୁଁ ନଥିଲି । କିନ୍ତୁ ଏବେ ମୁଁ ସମସ୍ତଙ୍କୁ ଜଣାଉଛି କି ସେ ମୋ ସହ ତାଙ୍କ ଷ୍ଟୁଡ଼ିଓ ମଧ୍ୟରେ ବଳପୂର୍ବକ ଦୁଷ୍କର୍ମ କରିଥିଲେ । ଯାହା ଏହି ଫଟୋରୁ ଆପଣମାନେ ଜାଣି ପାରୁଥିବେ । ଏମାନଙ୍କ ପାଇଁ କିଛି କରିବାର ଆଶା ରଖି ଆସିଥିବା ଝିଅମାନେ ଅନେକ ଅସୁବିଧାର ସମ୍ମୁଖୀନ ହୋଇଥାନ୍ତି ବୋଲି ସେ କହିଥିଲେ ।
పేర్లు చెప్పండి పేర్లు చెప్పండి అని కామెంట్స్ చేసారు కదా, దగ్గుపాటి సురేష్ బాబు కొడుకు అభిరామ్, వీడు ఒక అమ్మాయిలనే కాదు Sona అనే Transgender ని కూడా వదల్లేదు అంత కామాంధుడు మన అభిరామ్, ఇటువంటి వెదవలు ఇంకా ఉన్నారు అందరి పేర్లు బయటపెడతా #srireddy #Srileaks #srireddyleaks pic.twitter.com/y3XPX0TCx2
— Sri Reddy (@MsSriReddy) April 10, 2018
ପୂର୍ବରୁ ଶ୍ରୀ ବଡ଼ ବଡ଼ ପ୍ରଯୋଜକ, ନିର୍ଦ୍ଦେଶକ ଏବଂ ଅଭିନେତାଙ୍କ ପାଇଁ ଷ୍ଟୁଡ଼ିଓ ଏକ ବେଶ୍ୟାଳୟ ପାଲଟିଛି ବୋଲି କହିବା ସହ ଷ୍ଟୁଡ଼ିଓ ଏକ ନିରାପଦ ରେଡ଼୍ ଲାଇଟ୍ ଏରିଆ ବୋଲି କହିଥିଲେ ।