ଗୁଜୁରାଟରେ ଲ୍ୟାଣ୍ଡଫଲ କରିବା ପୂର୍ବରୁ ମହାରାଷ୍ଟ୍ରରେ ତାଣ୍ଡବ ରଚିଲା ସାମୁଦ୍ରିକ ବାତ୍ୟା ତୌତେ, ୬ଜଣଙ୍କ ମୃତ୍ୟୁ
ଆସନ୍ତାକାଲି ସକାଳ ୫ଟା ପର୍ଯ୍ୟନ୍ତ ଅହମ୍ମଦାବାଦ ବିମାନ ବନ୍ଦର ବନ୍ଦ
ମୁମ୍ବାଇ: ଆଉ କେଇ ଘଣ୍ଟା ମଧ୍ୟରେ ଗୁଜୁରାଟରେ ଲ୍ୟାଣ୍ଡଫଲ କରିବ ସାମୁଦ୍ରିକ ବାତ୍ୟା ତୌତେ | ଗୁଜୁରାଟରେ ଏବେ ଏହାର ପ୍ରଭାବ ଦେଖିବାକୁ ମିଳିସାରିଥିବା ବେଳେ ଅହମ୍ମଦାବାଦରେ ପ୍ରବଳ ବର୍ଷା ଆରମ୍ଭ ହୋଇଛି | ସାମୁଦ୍ରିକ ବାତ୍ୟା ତୌତେ ଏବେ ମୁମ୍ବାଇ ଅତିକ୍ରମ କରି ଦିଉ ଆଡକୁ ଗତି କରୁଛି | କିଛି ସମୟ ପରେ ସାମୁଦ୍ରିକ ବାତ୍ୟା ତୌତେ ଗୁଜୁରାଟରେ ପହଞ୍ଚିବ | ଭାରତ ପାଣିପାଗ ବିଭାଗ ପ୍ରବଳ ବର୍ଷା ଓ ବନ୍ୟା ପରିସ୍ଥିତି ସମ୍ପର୍କରେ ଚେତାବନୀ ଦେବା ପରେ ଗୁଜୁରାଟ ସରକାର ଉପକୂଳବର୍ତ୍ତୀ ଅଞ୍ଚଳରେ ରହୁଥିବା ଏକ ଲକ୍ଷ ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହା ସହ ଭାରତୀୟ ସେନା ୟୁନିଟ୍ ଏବଂ ଉଦ୍ଧାରକାରୀ ଦଳ ଯୋଗାଯୋଗର ଉପାଦାନ, ଇଞ୍ଜିନିୟର୍ ଟାସ୍କଫୋର୍ସ ସହିତ ରିଲିଫ୍ ଏବଂ ସମସ୍ତ ପ୍ରକାର ସହାୟତା ଯୋଗାଇବା ପାଇଁ ନିଜକୁ ପ୍ରସ୍ତୁତ କରିଛନ୍ତି | ସାମୁଦ୍ରିକ ବାତ୍ୟା ତୌତେ ଏବେ ମୁମ୍ବାଇ ଅତିକ୍ରମ କରିସାରିଥିଲେ ମଧ୍ୟ ୬ଜଣଙ୍କ ଜୀବନ ନେଇଥିବା ଜଣାପଡିଛି | ଏହା ସହ ୯ଜଣ ଆହତ ହୋଇଛନ୍ତି | ମୁମ୍ବାଇ ବିମାନବନ୍ଦର ଆଜି ରାତି ୧୦ଟା ପର୍ଯ୍ୟନ୍ତ ବନ୍ଦ ରହିଥିବା ବେଳେ ଲ୍ୟାଣ୍ଡଫଲକୁ ନଜରରେ ରଖି ଆଜି ସନ୍ଧ୍ୟା ୮ଟାରୁ ଆସନ୍ତାକାଲି ସକାଳ ୫ଟା ପର୍ଯ୍ୟନ୍ତ ଅହମ୍ମଦାବାଦ ବିମାନ ବନ୍ଦର ବନ୍ଦ ରଖାଯାଇଛି |