ଜୟପୁର: ରାଜସ୍ଥାନରେ ବିଜେପି ବିପୁଳ ସଂଖ୍ୟାଗରିଷ୍ଠତା ଆଡ଼କୁ ଦ୍ରୁତ ଗତିରେ ଅଗ୍ରସର ହେଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଚେହେରାକୁ ନେଇ ଦଳ ଏହି ନିର୍ବାଚନ ଲଢୁଥିଲା । ଦଳ ଏଥର କୌଣସି ନେତାଙ୍କୁ ମୁଖ୍ୟମନ୍ତ୍ରୀ ଚେହେରା ଭାବେ ଉପସ୍ଥାପନ କରିନଥିଲା।
Sambad is now on WhatsApp
Join and get latest news updates delivered to you via WhatsApp
ଏବେ ପ୍ରଶ୍ନ ଉଠୁଛି ଏବେ କ୍ଷମତାକୁ ଆସିବା ପରେ କିଏ ହେବ ରାଜସ୍ଥାନର ମୁଖ୍ୟମନ୍ତ୍ରୀ ? ରାଜ୍ୟରେ ହେଉଥିବା ଚର୍ଚ୍ଚା ଅନୁଯାୟୀ ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ, କେନ୍ଦ୍ରମନ୍ତ୍ରୀ ଗଜେନ୍ଦ୍ର ସିଂ ଶେଖାଓ୍ବତ ଓ ଯୋଗୀ ବାଳକନାଥ ମୁଖ୍ୟମନ୍ତ୍ରୀ ଦୌଡ଼ରେ ଆଗୁଆ ଅଛନ୍ତି ।
ତେବେ ରାଜ୍ୟ ରାଜନୀତିରେ ମହାରାଣୀ ବସୁନ୍ଧରାଙ୍କ ଉଚ୍ଚତା ରାଜସ୍ଥାନର ଗଜେନ୍ଦ୍ର ସିଂହ ଶେଖାୱତଙ୍କ ଠାରୁ ଅଧିକ। ରାଜନୀତିର ଅଭିଜ୍ଞତା ବିଷୟରେ କହିବାକୁ ଗଲେ ବସୁନ୍ଧରା ଦୁଇ ଥର ରାଜସ୍ଥାନର ମୁଖ୍ୟମନ୍ତ୍ରୀ ଅଛନ୍ତି । ଅଟଳଜୀଙ୍କ ସରକାରରେ ସେ ଅଣୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରୀ ଭାବେ ଦାୟିତ୍ୱ ତୁଲାଇଛନ୍ତି । ବସୁନ୍ଧରା ରାଜେ ବର୍ତ୍ତମାନ ଦଳର ରାଷ୍ଟ୍ରୀୟ ଉପାଧ୍ୟକ୍ଷ ଅଛନ୍ତି। ଏହାଛଡ଼ା ସେ ଗତ କିଛିଦିନ ହେଲା ଆରଏସଏସ ନେତୃବୃନ୍ଦଙ୍କୁ ଭେଟିବା ଜାରି ରଖିଛନ୍ତି । ଏଣୁ ସେ ମୁଖ୍ୟମନ୍ତ୍ରୀ ଦୌଡ଼ରେ ଆଗୁଆ ଅଛନ୍ତି । ସେହିପରି କେନ୍ଦ୍ରମନ୍ତ୍ରୀ ଖେଖାଓ୍ବତ ଓ ଲୋକସଭା ବାଚସ୍ପତି ଓମ ବିରଳା ବି ଦୌ଼ଡ଼ରେ ଥିବା କୁହାଯାଉଛି ।
ସେପଟେ ମୁଖ୍ୟମନ୍ତ୍ରୀ ପଦ ପାଇଁ ଆଉ ଏକ ବଡ଼ଦାବିଦାର ହେଲେ ଯୋଗୀ ବାଳକନାଥ । ଏବେ ସାଂସଦ ଥିବା ବାଳକନାଥଙ୍କୁ ରାଜସ୍ଥାନର ଯୋଗୀ ଆଦିତ୍ୟନାଥ ବୋଲି କୁହାଯାଏ । ତାଙ୍କ ପଛରେ ବି ଏକ ବଡ଼ ଜନସମର୍ଥନ ଥିବା କୁହାଯାଉଛି ।