ମଧ୍ୟପ୍ରଦେଶରେ କାର୍ ଜଳିଗଲା, ନବବିବାହିତ ଦମ୍ପତି ସମେତ ୪ ଜୀବନ୍ତ ଦଗ୍ଧ
ଭୋପାଳ: ମଧ୍ୟପ୍ରଦେଶର ହରଦା ଜିଲ୍ଲାରେ ଆଜି ଏକ କାର୍ ଗଛରେ ପିଟିହୋଇ ଜଳି ଯାଇଛି। ଫଳରେ କାର୍ରେ ବସିଥିବା ସମସ୍ତ ୪ ଜଣ ସଦସ୍ୟ ଜୀବନ୍ତ ଦଗ୍ଧ ହୋଇଯାଇଛନ୍ତି। ଉକ୍ତ ୪ ଜଣ ହେଉଛନ୍ତି ଗୋଟିଏ ପରିବାରର। ସେମାନଙ୍କ ମଧ୍ୟରେ ଏକ ନବ ବିବାହିତ ଦମ୍ପତି ମଧ୍ୟ ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ପୁଲିସ ଅନୁଯାୟୀ ସେମାନେ ଏକ ବିବାହ ଉତ୍ସବରୁ ଫେରୁଥିବା ବେଳେ ଆଜି ସକାଳେ ଦୁର୍ଘଟଣାର ଶିକାର ହୋଇଥିଲେ। ଦୁର୍ଘଟଣାରେ ପ୍ରାଣ ହାରିଥିବା ଦମ୍ପତି ଗତ ୬ ମାସ ପୂର୍ବେ ବିବାହ କରିଥିଲେ। ପୁଲିସ କହିଛି, ଆଜି ସକାଳେ ସେମାନେ କାର୍ ଦୁର୍ଘଟଣା ସଂକ୍ରାନ୍ତରେ ଖବର ପାଇଥିଲେ। ସେମାନେ ଘଟଣାସ୍ଥଳରେ ପହଞ୍ଚିବା ବେଳକୁ କାର୍ଟି ସମ୍ପୂର୍ଣ୍ଣ ଭାବେ ଜଳି ଯାଇଥିଲା ଏବଂ କାର୍ରେ ଥିବା ୩ ଜଣ ପୁରୁଷ ଏବଂ ଜଣେ ମହିଳା ଜୀବନ୍ତ ଦଗ୍ଧ ହୋଇଯାଇଥିଲେ।