ମୁମ୍ବାଇ: କ୍ୟାଟ୍ରିନା କୈଫ ଏବଂ ଭିକି କୌଶଲ ନିକଟରେ ବିବାହ ବନ୍ଧନରେ ବାନ୍ଧି ହୋଇଛନ୍ତି। ବିବାହ ପରେ ଦୁହେଁ ହନିମୁନ୍ ପାଇଁ ମାଲଦ୍ୱୀପକୁ ଯାଇଥିଲେ। ଉଭୟ ମଙ୍ଗଳବାର ମୁମ୍ବାଇ ଫେରିଥିଲେ। ତେବେ ବିମାନବନ୍ଦରରେ ନୂତନ ଦମ୍ପତ୍ତିଙ୍କୁ ଦେଖିବାକୁ ପ୍ରଶଂସକଙ୍କ ଗହଳି ଦେଖିବାକୁ ମିଳିଥିଲା | ମଥାରେ ସିନ୍ଦୂର, ହାତରେ ଶଙ୍ଖା ପିନ୍ଧିଥିବାର କ୍ୟାଟ୍ରିନା ନଜର ଆସିଥିଲେ |
Sambad is now on WhatsApp
Join and get latest news updates delivered to you via WhatsApp
ସେହିପରି ଭିକିଙ୍କ ସହ ହାତ ମିଳାଇ ସେ ଫଟୋ ପୋଜ୍ ଦେଇଥିଲେ। ତେବେ ଏହି ସମୟରେ କ୍ୟାଟ୍ରିନାଙ୍କ ହାତରେ ଟିଫାନୀ ମୁଦି ଦେଖିବାକୁ ମିଳିଥିଲା | ସୂଚନାଯୋଗ୍ୟ ଯେ ଏହି ମୁଦି ଟିଫାନି ଆଣ୍ଡ କୋ କମ୍ପାନୀର ହୋଇଥିବାବେଳେ ଏହାର ମୂଲ୍ୟ ପ୍ରାୟ ୯୮୦୦ ଡଲାର ବା ୭ ଲକ୍ଷ ୪୧ ହଜାର ଟଙ୍କା | ସେହିପରି ଆଜି କ୍ୟାଟ୍ରିନାଙ୍କ ଶାଢି ଡିଜାଇନ କରିଥିବା ଡିଜାଇନର ସବ୍ୟସାଚୀ କିଛି ଫଟୋ ପୋଷ୍ଟ କରିଛନ୍ତି |
ଏହି ଶାଢୀରେ କ୍ୟାଟ୍ରିନା ପେସଟଲ ଶାଢି ପିନ୍ଧିଥିବାର ନଜର ଆସିଛନ୍ତି | ଆଉ କୁହାଯାଉଛି ଯେ ଏହି ଶାଢିକୁ ୪୦ ଜଣ କାରିଗର ୧୮୦୦ ଘଣ୍ଟାରେ ପ୍ରସ୍ତୁତ କରିଛନ୍ତି | ଶାଢିଟିରେ ମୂଲ୍ୟବାନ ପଥର ସାଙ୍ଗକୁ ସ୍ୱତନ୍ତ୍ର ଡିଜାଇନରେ ପ୍ରସ୍ତୁତ କରାଯାଇଛି | ସୂଚନା ଥାଉ କି ଡିସେମ୍ବର ୯ ରେ ରାଜସ୍ଥାନର ସାୱାଇ ମାଧୋପୁରର ସିକ୍ସ ସେନ୍ସ ଫୋର୍ଟ ବାରୱାରାରେ କ୍ୟାଟ୍ରିନା କୈଫ ଏବଂ ଭିକି କୌଶଲଙ୍କ ବିବାହ ହୋଇଥିଲା। ଏହାପୂର୍ବରୁ ଦୁହିଁଙ୍କ ଡିସେମ୍ବର ୭ ରେ ଏକ ମେହେନ୍ଦୀ ସମାରୋହ ମଧ୍ୟ ହୋଇଥିଲା। ଏହାପରେ ଡିସେମ୍ବର ୮ରେ କ୍ୟାଟ୍ରିନା ଓ ଭିକ୍କିଙ୍କ ହଳଦୀ ଓ ସଂଗୀତ ଅନୁଷ୍ଠିତ ହୋଇଥିଲା ।