ହସ୍ପିଟାଲ୍ରେ ସାରାରାତି ନଥିଲା କରେଣ୍ଟ୍, ମହମ ଓ ମୋବାଇଲ୍ ଟର୍ଚ ଜାଳି ଡାକ୍ତର କଲେ ଡେଲିଭରି
ବିଶାଖାପାଟନମ୍: ମଧ୍ୟପ୍ରଦେଶରେ ଅନେକ ସମୟରେ ବିଜୁଳି ସମସ୍ୟା ଦେଖିବାକୁ ମିଳିଥାଏ। ତାଠାରୁ ବେଶି ଦୁଃଖର କଥା ହେଉଛି କେତେକ ହସ୍ପିଟାଲ୍ରେ ବି ଏପରି ସମସ୍ୟା ଦେଖିବାକୁ ମିଳେ। ଏମିତି ବି ହସ୍ପିଟାଲ୍ ରହିିଛି, ଯେଉଁଠାରେ ରାତି ରାତି କରେଣ୍ଟ୍ ରହେନାହିଁ। ଯେଉଁଠାରେ ଡାକ୍ତରମାନଙ୍କୁ ବିନା ଲାଇଟ୍, ଫ୍ୟାନ୍ ଓ ଅନ୍ୟାନ୍ୟ ସୁବିଧାରେ ପ୍ରସବ ପରି ଜଟିଳ କାର୍ଯ୍ୟ ବି କରିବାକୁ ପଡୁଛି।
Sambad is now on WhatsApp
Join and get latest news updates delivered to you via WhatsApp
ଏପରି ଏକ ଘଟଣା ଦେଖିବାକୁ ମିଳିଛି ଏନ୍ଟିଆର୍ ସରକାରୀ ହସ୍ପିଟାଲ୍ରେ। ଯେଉଁଠାରେ ଡାକ୍ତର ମହମ ଓ ଫୋନ୍ ଟର୍ଚ ଲାଇଟ୍ରେ ଏକ ମହିଳାଙ୍କ ପ୍ରସବ କରାଇଛନ୍ତି। ମହିଳା ଜଣକ ଏକ ଶିଶୁକନ୍ୟାକୁ ଜନ୍ମ ଦେଇଛନ୍ତି।
ସୋସିଆଲ୍ ମିଡିଆରେ ଏପରି ଅନେକ ଫଟୋ ଭିଡିଓ ଭାଇରାଲ୍ ହେଉଛି, ଯେଉଁଥିରେ ବିଜୁଳି ସମସ୍ୟା ହେତୁ ରୋଗୀମାନେ କେଉଁ ପ୍ରକାରର ଅସୁବିଧାର ସାମ୍ନା କରୁଛନ୍ତି ଦେଖିବାକୁ ମିଳୁଛି।
ଏ ନେଇ କନ୍ୟା ସନ୍ତାକୁ ଜନ୍ମ ଦେଇଥିବା ମହିଳା ଜଣକ ଅଭିଯୋଗ ଆଣି କହିଛନ୍ତି ଯେ, ‘ଯେତେବେଳେ ହସ୍ପିଟାଲ୍ରେ କରେଣ୍ଟ୍ ନଥାଏ ଆମେ ତାଙ୍କୁ ପଚାରିଲୁ, ସେମାନେ ଆମକୁ ଉତ୍ତର ଦେଲେ ମହମ ଧରିକରି ଆସ। କୁହନ୍ତୁ ତ ଅଧ ରାତିରେ ଆମେ କେଉଁଠାରୁ ମହମ ଆଣିବୁ? ଆମକୁ କିଏ ସାହାଯ୍ୟ କରିବ?
ଏପରି ସମସ୍ୟାରେ କେବଳ ରୋଗୀ ଓ ତାଙ୍କ ପରିବାର ଲୋକ ନୁହଁନ୍ତି ବରଂ ଡାକ୍ତର ବି ଚିନ୍ତିତ। ଜଣେ ଡାକ୍ତର ନିଜର ବୟାନ ରଖି କହିଛନ୍ତି, ‘ଆମକୁ ଏପରିସ୍ଥିତିରେ ମହମ ଓ ଟର୍ଚ ଲଗାଇ ଡେଲିଭରି କରିବାକୁ ପଡ଼ିଲା। ଯାହାହେଉ, ଭଗବାନଙ୍କ ଦୟାରୁ ଏହା ନର୍ମାଲ ଡେଲିଭରି ଥିଲା।’