ନୂଆଦିଲ୍ଲୀ : ଆଉ ମାତ୍ର ୨ ଦିନ ପରେ ଅର୍ଥାତ ମେ ୩ରେ ଦେଶରେ ଲକଡାଉନ ଅବଧି ସମାପ୍ତ ହେଉଛି । ଏହା ପରେ ଅବଧି ବଢିବ କିମ୍ବା ଶେଷ ହେବ ସେ ସମ୍ପର୍କରେ କେନ୍ଦ୍ର ସରକାରଙ୍କ ତରଫରୁ ଏପର୍ଯ୍ୟନ୍ତ କୌଣସି ଘୋଷଣା କରାଯାଇନାହିଁ । ତେବେ ଆଜି ସଂଧ୍ୟାସୁଦ୍ଧା ଏ ସଂପର୍କରେ କୌଣସି ଘୋଷଣା ହେବାର ସମ୍ଭାବନା ରହିଛି ।
Sambad is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୃହମନ୍ତ୍ରୀ ଅମିତ ଶାହା, ରେଳମନ୍ତ୍ରୀ ପିୟୁଷ ଗୋଏଲ, ବିମାନଚଳାଚଳ ମନ୍ତ୍ରୀ ହରଦୀପ ସିଂ ପୁରିଙ୍କୁ ଭେଟି ଆଲୋଚନା କରିଛନ୍ତି । ଲକଡାଉନ ସଂପର୍କରେ ପରବର୍ତ୍ତି କାର୍ଯ୍ୟପନ୍ଥା ସମ୍ପର୍କରେ ଏହି ବୈଠକରେ ଆଲୋଚନା କରାଯାଇଥିବା ଅନୁମାନ କରାଯାଉଛି ।
ଗତକାଲି ଅର୍ଥାତ ଗୁରୁବାରଦିନ ମୋଦୀ ଏକ ଉଚ୍ଚସ୍ତରୀୟ ବୈଠକରେ ଦେଶର ଅର୍ଥନୈତିକ ସ୍ଥିତି ସୁଧାରିବା ସଂପର୍କରେ ଆଲୋଚନା ହୋଇଥିଲା । ଏହି ବୈଠକରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଯୋଗ ଦେଇଥିଲେ । ଲକଡାଉନ ଶେଷ ହେବା ପରେ ଦେଶର ଶିଳ୍ପସଂସ୍ଥାମାନଙ୍କ ଅବସ୍ଥାରେ ସୁଧାର ଆଣିବାକୁ ପ୍ୟାକେଜ ସଂପର୍କରେ ଏଥିରେ ଆଲୋଚନା ହୋଇଥିବା କୁହାଯାଉଛି । ଅନ୍ୟପକ୍ଷରେ ବିଶ୍ୱର ପ୍ରମୁଖ ଶିଳ୍ପ ସଂସ୍ଥାମାନେ ଚୀନରୁ ମୁହଁ ଫେରାଉଥିବାରୁ ସେମାନଙ୍କୁ କିପରୁ ଭାରତକୁ ଆକର୍ଷିତ କରିହେବ ସେ ସମ୍ପର୍କରେ ମଧ୍ୟ ଆଲୋଚନା ହୋଇଥିଲା ।