ବଡ଼ଖବର: ସୁସ୍ଥ ହେଲେ ୧୪ କରୋନା ଆକ୍ରାନ୍ତ, ରାଜ୍ୟରେ ସୁସ୍ଥଙ୍କ ସଂଖ୍ୟା ୫୫
କେନ୍ଦ୍ରାପଡ଼ା କରୋନା ମୁକ୍ତ
ଭୁବନେଶ୍ୱର: ରାଜ୍ୟବାସୀଙ୍କ ପାଇଁ ଖୁସୀ ଖବର ଆସିଛି । ରାଜ୍ୟରେ ୧୪ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଏହି ସୂଚନା ଦେଇଛି। ସୂଚନା ଅନୁସାରେ ଭଦ୍ରକ ଜିଲ୍ଲାରେ ଆଜି ୭ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ସେହିପରି ଭୁବନେଶ୍ୱର ଓ ବାଲେଶ୍ୱରରୁ ୩-୩ ଜଣ ଲେଖାଏଁ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଏଥି ସହିତ କେନ୍ଦ୍ରାପଡ଼ା ଜିଲ୍ଲା କରୋନା ମୁକ୍ତ ହୋଇଛି । ପୂର୍ବରୁ ଏହି ଜିଲ୍ଲାରେ ଜଣେ କରୋନା ଆକ୍ରାନ୍ତ ସୁସ୍ଥ ହୋଇଥିବା ବେଳେ ଆଜି ଜଣେ ଆକ୍ରାନ୍ତ ସୁସ୍ଥ ହୋଇଛନ୍ତି । ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୪୮ ହୋଇଥିବା ବେଳେ ଏ ପର୍ଯ୍ୟନ୍ତ ୫୫ ଜଣ ଭଲ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
Happy to announce that another 14 #COVID19 patients have recovered in #Odisha, taking the total recovered cases to 55!
Now there are no active cases in Kendrapara district.
The new recovered cases are from:
Kendrapara:1
Bhubaneswar:3
Balasore:3
Bhadrak:7#OdishaFightsCorona— H & FW Dept Odisha (@HFWOdisha) May 1, 202
ବର୍ତ୍ତମାନ ଏକାଥରେ ୧୪ ସୁସ୍ଥ ହେବାପରେ ଭୁବନେଶ୍ୱରରେ ମୋଟ୍ ପଜିଟିଭ୍ ୪୭ ରହିଥିବାବେଳେ ସୁସ୍ଥଙ୍କ ସଂଖ୍ୟା ୩୦ ଏବଂ ସକ୍ରିୟ ସଂଖ୍ୟା ୧୬ ରହିଛି । ସେହିପରି ଭଦ୍ରକରେ ମୋଟ୍ ୧୯ ପଜିଟିଭ୍ ସଂଖ୍ୟା ଥିବାବେଳେ ୯ ସୁସ୍ଥ ଏବଂ ୧୦ ସକ୍ରିୟ ଅଛନ୍ତି । ଅନ୍ୟପଟେ ବାଲେଶ୍ୱରରେ ୨୦ ପଜିଟିଭଙ୍କ ମଧ୍ୟରୁ ସୁସ୍ଥ ହୋଇଛନ୍ତି ୩ ଏବଂ ସକ୍ରିୟ ଆକ୍ରାନ୍ତଙ୍କ ସଂଖ୍ୟା ୧୭ ରହିଛି । ପୂର୍ବରୁ ପୁରୀ, କଟକ, ଢ଼େଙ୍କାନାଳ, କଳାହାଣ୍ଡି ଜିଲ୍ଲା କରୋନା ମୁକ୍ତ ହୋଇଥିଲା ।