ଭୁବନେଶ୍ୱର: ରାଜ୍ୟର ଅଗ୍ରଣୀ ଡିଜିଟାଲ ମିଡ଼ିଆ ନେଟୱାର୍କ ପିପିଏଲ ଓଡ଼ିଆ ତରଫରୁ ହୋଟେଲ ଏମ୍ପାୟାର୍ସ ଠାରେ ଆୟୋଜିତ ହୋଇଯାଇଛି ସକସେସ ମନ୍ତ୍ର ବିଜନେସ କନକ୍ଳେଭ -୨୦୨୩ | ବିଭିନ୍ନ ବିଭାଗ ରେ ୧୨ ଜଣ ସଫଳ ଉଦ୍ୟୋଗୀ ଙ୍କୁ ନେଇ ଏହି କନକ୍ଳେଭ ଆୟୋଜିତ କରାଯାଇଥିଲା | ସନ୍ଧ୍ୟାରେ ବିଭିନ୍ନ କ୍ଷେତ୍ର ର ପାରଦର୍ଶିତା ଲାଭ କରିଥିବା ୨୩ ଜଣ ସଫଳ ବ୍ୟକ୍ତିତ୍ୱ ଙ୍କୁ ‘ୟୁଥ ଲିଡରସିପ ଆୱାର୍ଡ -୨୦୨୩ ‘ ରେ ସମ୍ମାନିତ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ସାହିତ୍ୟ କ୍ଷେତ୍ର ରେ ଉଲ୍ଲେଖନୀୟ ଅବଦାନ ପାଇଁ ଯୁବ କବି ତଥା କେନ୍ଦ୍ରାପଡ଼ା ଜିଲ୍ଲାପାଳ ଅମ୍ରିତ ଋତୁରାଜ , କ୍ରୀଡ଼ା କ୍ଷେତ୍ର ପାଇଁ ଚେସ ତାରକା ପଦ୍ମିନୀ ରାଉତ , ବାଲୁକା ଶିଳ୍ପୀ ମାନସ ସାହୁ, ଓଡ଼ିଆ ସିନେମା ଓ ଟେଲି ଜଗତ ର ଲୋକପ୍ରିୟ ଅଭିନେତ୍ରୀ ନୈନା ଦାଶ , କଣ୍ଠଶିଳ୍ପୀ ଦୀପ୍ତିରେଖା ପାଢ଼ୀ , ଡାକ୍ତର ସୁନୀଲ କର, ଆନ୍ତର୍ଜାତୀୟ ଚିତ୍ରଶିଳ୍ପୀ ଆୟୁଷ ମହାପାତ୍ର, ସମାଜସେବୀ କାଦମ୍ବିନୀ ତ୍ରିପାଠୀ ପ୍ରମୁଖ ବ୍ୟକ୍ତିତ୍ୱ ଙ୍କୁ ସମ୍ମାନିତ କରାଯାଇଥିଲା।
ଜଟଣୀ ବିଧାୟକ ଶ୍ରୀଯୁକ୍ତ ସୁର ରାଉତରାୟ ଓ ବରୀ ବିଧାୟିକା ଶ୍ରୀମତୀ ସୁନନ୍ଦା ଦାସ ସକସେସ ମନ୍ତ୍ର ବିଜନେସ କନକ୍ଳେଭ -୨୦୨୩ କୁ ଉଦଘାଟିତ କରିଥିବା ବେଳେ ବିଧାୟକ ତଥା ସରକାରୀ ଦଳ ମୁଖ୍ୟ ସଚେତକ ଶ୍ରୀଯୁକ୍ତ ପ୍ରଶାନ୍ତ କୁମାର ମୁଦୁଲି, ରାଜ୍ୟ ଶ୍ରମିକ କଲ୍ୟାଣ ବୋର୍ଡ ଅଧ୍ୟକ୍ଷା ଶ୍ରୀମତୀ ଶ୍ରୀମୟୀ ମିଶ୍ର, ରାଜ୍ୟ କ୍ଷୁଦ୍ର ଶିଳ୍ପ ନିଗମ ର ଅଧ୍ୟକ୍ଷ ଶ୍ରୀଯୁକ୍ତ ଚିନ୍ମୟ କୁମାର ସାହୁ , ବରିଷ୍ଠ ଚାଟାର୍ଡ ଆକାଉଣ୍ଟାଣ୍ଟ ରାଜୀବ ଶେଖର ସାହୁ ଓ ଆଇଏନଡବଲୁଇସି ର ରାଷ୍ଟ୍ରୀୟ ଅଧ୍ୟକ୍ଷା ସୁକୀର୍ତ୍ତି ପଟ୍ଟନାୟକ ସନ୍ଧ୍ୟା ରେ ଅତିଥି ଭାବେ ଯୋଗ ଦେଇଥିଲେ | ସବୁବେଳେ ସକାରାତ୍ମକ ଖବର ପରିବେଷଣ କରି ଚର୍ଚ୍ଚା ରେ ଥିବା ପିପିଏଲ ଓଡ଼ିଆ ର ଏଭଳି ପଦକ୍ଷେପ କୁ ଅତିଥି ମାନେ ବେଶ ପ୍ରଶଂସା କରିଥିଲେ | ରାଜ୍ୟ ର ଯୁବ ପ୍ରତିଭା ମାନଙ୍କୁ ଏଭଳି ସମ୍ମାନ ଆଗକୁ ତାଙ୍କୁ ଆହୁରି ଉତ୍ସାହିତ କରିବ ବୋଲି ପିପିଏଲ ଓଡ଼ିଆ ର ପରିଚାଳନା ନିର୍ଦ୍ଦେଶିକା ଲିପ୍ସା ପଟ୍ଟନାୟକ ଆଶାବ୍ୟକ୍ତ କରିଥିଲେ |