ବଡଗଡ ଏନକାଉଣ୍ଟଟରରେ ଆସିଲା ନୂଆ ଖିଅ: ରାତିରେ ରାହାଜାନି, ଦିନରେ କରୁଥିଲେ ନକଲି ମଦ ବେପାର
ଭୁବନେଶ୍ବର: ରାତିରେ କରୁଥିଲେ ରାହାଜାନି, ଆଉ ସକାଳ ହେଲେ ଚାଲୁଥିଲା ନକଲି ମଦ ତିଆରି । ରାଜଧାନୀରେ ଶନିବାର ବିଳମ୍ବିତ ରାତିରେ ବଡଗଡ ଏନକାଉଣ୍ଟର ପଛରେ ଏପରି କିଛି ନୂଆ ଖିଅ ପାଇଛି କମିଶନରେଟ୍ ପୁଲିସ ।
Sambad is now on WhatsApp
Join and get latest news updates delivered to you via WhatsApp
ଗତକାଲି ବଡଗଡ ଅଞ୍ଚଳରେ ବିଳମ୍ବିତ ରାତିରେ ଦୁଇ ଜଣ ଅପରାଧୀଙ୍କୁ ଏନକାଉଣ୍ଟର କରିବା ପରେ ଖୋଳତାଡ ଆରମ୍ଭ କରିଥିଲା ପୁଲିସ । ଦୁଇ ଜଣଙ୍କ ଗୋଡରେ ଗୁଳି ବାଜିଥିଲା । ଗୁରୁତର ଅବସ୍ଥାରେ ଦୁଇଜଣଙ୍କୁ କଟକ ବଡ ମେଡିକାଲକୁ ସ୍ଥାନାନ୍ତର କରାଯାଇଛି । ଅଧିକ ଛାନଭିନ୍ ବେଳେ ଜଣାପଡିଥିଲା ଏମାନଙ୍କର ପଛରେ ରହିଛି ଚୋରା ମଦ ବ୍ୟବସାୟର ଲିଙ୍କ୍ ।
ରାଜଧାନୀରେ ଘରଭଡା ନେଇ ଏମାନେ ଚୋରା ମଦ ବ୍ୟବସାୟ ଚଳାଇ ଆସୁଥିଲେ । ବାପୁଜୀ ହାଇଟସ୍ ଆପାର୍ଟମେଂଟରେ ଘର ଭଡା ନେଇ ଚୋରା ମଦ ତିଆରି କରୁଥିଲେ। ରାତିରେ ଚଳାଇଥିଲେ ରାହାଜାନି, ଆଉ ଦିନରେ ଚାଲିଥିଲା ନକଲି ମଦ ବେପାର । ବାପୁଜୀ ହାଇଟସ୍ ଆପାର୍ଟମେଂଟରେ ଚଢାଉ ବେଳେ ବହୁ ପରିମାଣର ନକଲି ମଦ ତିଆରି ସାମଗ୍ରୀ ଜବତ କରିଛି ପୁଲିସ ।