ଟାଟାନଗର-ବାଦାମପାହାଡ ସନ୍ଧ୍ୟାକାଳୀନ ମେମୁ ଟ୍ରେନର ଆଭାସୀ ମାଧ୍ୟମରେ ଶୁଭାରମ୍ଭ କଲେ ପ୍ରଧାନମନ୍ତ୍ରୀ
ରାଇରଙ୍ଗପୁର/ବାଦାମପାହାଡ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଭାସୀ ମାଧ୍ୟମରେ ଝାଡଖଣ୍ଡର ସିନ୍ଦରିଠାରୁ ଟାଟାନଗରରୁ ବାଦାମପାହାଡ ମେମୁ ରେଳସେବାର ସବୁଜ ପତାକା ଦେଖାଇ ଶୁଭାରମ୍ଭ କରିଥିଲେ । ଏହି କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଅର୍ଜୁନ ମୁଣ୍ଡା ଓ ଝାଡଖଣ୍ଡ ମୁଖ୍ୟମନ୍ତ୍ରୀ ଚମ୍ପାଇ ସୋରେନ ପ୍ରମୁଖ ଉପସ୍ଥିତ ଥିଲେ । ଅତିଥିମାନେ ରେଳ ଉପରେ ସୁଚିନ୍ତିତ ବକ୍ତବ୍ୟ ଦେବାପରେ ମାନ୍ୟବର ପ୍ରଧାନମନ୍ତ୍ରୀ ତାଙ୍କ ବକ୍ତବ୍ୟରେ ଆଜି ଏହି ଟ୍ରେନ୍ ଶୁଭାରମ୍ଭ ଫଳରେ ଭାରତର ଅର୍ଥନୀତି, ବେପାର ବାଣିଜ୍ୟର ଉନ୍ନତି ହେବାସହିତ ଭାରତ ଇତିହାସରେ ନୂଆ ଯୁଗର ଅୟମାରମ୍ଭ ହୋଇପାରିଛି । ଏହି ଅବସରରେ ବାମନଘାଟୀ ଉପଖଣ୍ଡ ବାଦାମପାହାଡ ରେଳ ଷ୍ଟେସନ ନିକଟରେ ଏକ ସଭା ଆୟୋଜିତ ହୋଇଥିଲା । ଏଥିରେ ରାଇରଙ୍ଗପୁର ବିଧାୟକ ନବଚରଣ ମାଝୀ, ଯଶିପୁର ବିଧାୟକ ଗଣେଶ ରାମ ସିଂ ଖୁଣ୍ଟିଆ ଓ ବିଜେପି ରାଜ୍ୟ ସଂପାଦକ ନବୀନ ରାମ ପ୍ରମୁଖ ଉପସ୍ଥିତ ରହିଥିଲେ ।
Sambad is now on WhatsApp
Join and get latest news updates delivered to you via WhatsApp
ଅତିଥିମାନେ ନୂଆ ରେଳ ଶୁଭାରମ୍ଭରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଦେବା ସହିତ ଭାରତ ପ୍ରଗତି କ୍ଷେତ୍ରରେ ନୂଆ ରାହା ସୃଷ୍ଟି ହେବ ବୋଲି କହିଥିଲେ । ଏହି ସଭାକୁ କାର୍ଯ୍ୟାଳୟ ଅଧ୍ୟକ୍ଷକ ହରିହର ସେଠୀ ପରିଚାଳନା କରିଥିଲେ । ଏହି ଟ୍ରେନକୁ ବହଳଦା ରୋଡ, ଆଁଲାଯୋଡ଼ି, ଗୋରୁମହିଷାଣୀ, ରାଇରଙ୍ଗପୁର, କୁଲଡିହା, ଛନୁଆ ଓ ବାଦାମପାହାଡ ଷ୍ଟେସନ ପହଞ୍ଚିବା ପରେ ଅଞ୍ଚଳବାସୀ ସ୍ବାଗତ କରିଥିଲେ। ଦୀର୍ଘଦିନ ଧରି ରାଇରଙ୍ଗପୁର ବାସୀମାନଙ୍କର ଦାବୀ ରହିଆସୁଥିଲା ସଂନ୍ଧ୍ୟାବେଳା ଟାଟାରୁ ବାଦାମପାହାଡକୁ ଏକ ରେଳ ଚଳାଚଳ ହେଉ, ଯାହାଦ୍ୱାରା ଲୋକେ ଦିନରେ ଦିନସାରା କାମସାରି ସଂନ୍ଧ୍ୟା ବେଳା ଫେରି ଆସିପାରିବେ । ସେହି ସ୍ଵପ୍ନ ଆଜି ପୁରଣ ହୋଇପାରିଥିବାରୁ ରାଇରଙ୍ଗପୁର ଉପଖଣ୍ଡବାସୀ ଧନ୍ୟବାଦ୍ ଜଣାଇଛନ୍ତି ।