ଚଣ୍ଡୀଗଡ: ଗୁଜରାଟରେ ବିଧାନସଭା ନିର୍ବାଚନ ପୂର୍ବରୁ ଆମ୍ ଆଦମୀ ପାର୍ଟି (ଆପ୍) ଲୋକଙ୍କ ସହ ସମ୍ପର୍କ ମଜବୁତ କରିବା ଉପରେ ଗୁରୁତ୍ୱାରୋପ କରୁଛି। ଗୁଜରାଟ ହାତେଇବା ପାଇଁ ଲୋକଙ୍କ ସହ ସାମିଲ ହୋଇ ଆପ୍ ନେତା ବିଭିନ୍ନ ପର୍ବ ପାଳନ କରୁଥିବା ବେଳେ ଏବେ ରାଜକୋଟରେ ଆୟୋଜିତ ଏକ ଗରବା କାର୍ଯ୍ୟକ୍ରମରେ ପଞ୍ଜାବର ମୁଖ୍ୟମନ୍ତ୍ରୀ ଭଗୱନ୍ତ ମାନ ସାମିଲ ହୋଇଥିବା ଦେଖାଯାଇଛି। ମୁଖ୍ୟମନ୍ତ୍ରୀ ମାନ୍ କେବଳ ଗରବା କାର୍ଯ୍ୟକ୍ରମରେ ସାମିଲ ହୋଇନଥିଲେ ବରଂ ନିଜେ ଗରବା ନୃତ୍ୟ ପରିବେଷଣ ମଧ୍ୟ କରିଥିଲେ।
Sambad is now on WhatsApp
Join and get latest news updates delivered to you via WhatsApp
#Punjab के मुख्यमंत्री #BhagwantMann ने राजकोट में एक कार्यक्रम में किया गरबा pic.twitter.com/W1B7drocWN
— NDTV India (@ndtvindia) October 2, 2022
ନିର୍ବାଚନ ପ୍ରଚାର ପାଇଁ ଭଗୱନ୍ତ ମାନ୍ ଏବେ ଗୁଜରାଟ ଗସ୍ତରେ ଥିବା ବେଳେ ପ୍ରଚାର ପରେ ସେ ଲୋକଙ୍କ ସହ ଗରବା କାର୍ଯ୍ୟକ୍ରମରେ ସାମିଲ ହୋଇଥିବା ଜଣାପଡ଼ିଛି। ସେ ରାଜକୋଟରେ ଆୟୋଜିତ ଏକ ଗରବା କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମରେ ଭଗୱନ୍ତ ମାନ୍ ମଞ୍ଚ ଉପରେ ଠିଆ ହୋଇ ଗରବା କରିବା ସହ ଲୋକଙ୍କୁ ମଧ୍ୟ କରିବା ପାଇଁ କହୁଥିବାର ଭାଇରାଲ ଭିଡିଓରେ ଦେଖାଯାଇଛି।
आज वडोदरा में दिन की समाप्ति पे गरबा कार्यक्रम में हिस्सा लिया और मां अंबा से सबकी खुशहाली और अच्छे स्वास्थ्य की कामना की। pic.twitter.com/ubFxpm5teA
— Raghav Chadha (@raghav_chadha) October 1, 2022
ଅନ୍ୟପକ୍ଷରେ ଗୁଜରାଟର ଭଦୋଦରାଠାରେ ଆୟୋଜିତ ଏକ କାର୍ଯ୍ୟକ୍ରମରେ ଆମ୍ ଆଦମୀ ପାର୍ଟିର ରାଜ୍ୟସଭା ସାଂସଦ ରାଘବ ଚଢ଼ା ମଧ୍ୟ ଗରବା ନୃତ୍ୟ ପରିବେଷଣ କରିଥିବା ଦେଖାଯାଇଛି। ରାଘବ ଲୋକଙ୍କ ସହ ଗରବା ନାଚ କରୁଥିବା ଭାଇରାଲ ଭିଡିଓରେ ଦେଖିବାକୁ ମିଳିଛି।