ନଦୀ ନଥିବା ସ୍ଥାନରେ ବ୍ରିଜ ପାଇଁ ଘୋଷଣା କରିଦେବେ: କମଲନାଥ
ଭୋପାଳ: ମଧ୍ୟପ୍ରଦେଶରେ ବିଧାନସଭା ନିର୍ବାଚନ ହେବାକୁ ଯାଉଛି | ଆଉ ଏଥିପାଇଁ ପ୍ରମୁଖ ଦଳ ବିଜେପି ଏବଂ କଂଗ୍ରେସ ମଧ୍ୟରେ ଆରୋପ-ପ୍ରତ୍ୟାରୋପ ଜାରି ରହିଛି। ଗୋଟିଏ ପଟେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଓ ବିଜେପି କଂଗ୍ରେସର କମଲନାଥଙ୍କୁ ଦୁର୍ନୀତିନାଥ ବୋଲି କହୁଥିବାବେଳେ ଅନ୍ୟପକ୍ଷରେ କଂଗ୍ରେସ ମଧ୍ୟ ଶିବରାଜଙ୍କୁ ଘୋଷଣାବୀର ବୋଲି କହିଛି । ତେବେ ଗତକାଲି କମଲନାଥ ସିଓନିରେ ଏକ ସଭାରେ ଶିବରାଜଙ୍କୁ ଟାର୍ଗେଟ କରିଥିଲେ | ଏକ ସଭାରେ ସମ୍ବୋଧିତ କରିବା ସମୟରେ କମଲନାଥ କହିଛନ୍ତି ଯେ ଶିବରାଜ ସିଂ ଚୌହାନ ଘୋଷଣା ପରେ ଘୋଷଣା କରୁଛନ୍ତି ଏବଂ ବର୍ତ୍ତମାନ ପର୍ଯ୍ୟନ୍ତ ସେ ୨୨ ହଜାରରୁ ଅଧିକ ଘୋଷଣା କରିଛନ୍ତି। ସେ କହିଛନ୍ତି ଯେ ଏହି ନିର୍ବାଚନକୁ ନେଇ କେବଳ ଘୋଷଣା କରୁଛନ୍ତି | ସେ କଟାକ୍ଷ କରି କହିଛନ୍ତି ଯେ ଯେଉଁଠାରେ ନଦୀ ନାହିଁ ସେଠାରେ ମଧ୍ୟ ଶିବରାଜ ସେତୁ ନିର୍ମାଣ କରିବାକୁ ଘୋଷଣା କରିବେ |
Sambad is now on WhatsApp
Join and get latest news updates delivered to you via WhatsApp
କମଲନାଥ ଶିବରାଜ ସିଂ ଚୌହାନଙ୍କୁ ଟାର୍ଗେଟ କରି କହିଛନ୍ତି ଯେ ଶିବରାଜ ୧୮ ବର୍ଷ ଶାସନ କାଳରେ ମଧ୍ୟପ୍ରଦେଶକୁ କଣ ଦେଇଛନ୍ତି | କମଲନାଥ କହିଛନ୍ତି ଯେ ଶିବରାଜ ସିଂ ଚୌହାନ ସରକାର ଚଳିତ ବର୍ଷ କେବଳ ଦରବୃଦ୍ଧି, ବେକାରୀ ଏବଂ ଦୁର୍ନୀତି ରାଜ୍ୟକୁ ଦେଇଛନ୍ତି। ନିର୍ବାଚନ ପୂର୍ବରୁ ଉଭୟ ପ୍ରମୁଖ ଦଳର ନେତାମାନେ କ୍ରମାଗତ ଭାବରେ ପରସ୍ପର ଉପରେ ଟାର୍ଗେଟ କରୁଛନ୍ତି। ରବିବାର ସକାଳେ ଟିକେଟ୍ ବଣ୍ଟନ ନେଇ ସିଏମ୍ ଶିବରାଜ ସିଂ ଚୌହାନ କମଲନାଥ ଏବଂ ଦିଗବିଜୟ ସିଂଙ୍କୁ ମଧ୍ୟ ଆକ୍ରମଣ କରିଥିଲେ। ଉଲ୍ଲେଖ ଥାଉ କି ମଧ୍ୟପ୍ରଦେଶରେ ୨୩୦ଟି ବିଧାନସଭା ଆସନ ଥିବାବେଳେ ଏଯାଏଁ କଂଗ୍ରେସ ୨୨୯ଟି ଆସନ ଏବଂ ବିଜେପି ୨୨୮ଟି ଆସନ ପାଇଁ ପ୍ରାର୍ଥୀ ଘୋଷଣା କରିଛି। ନଭେମ୍ବର ୧୭ ରେ ରାଜ୍ୟରେ ମତଦାନ ଅନୁଷ୍ଠିତ ହେବ, ଯାହାର ଫଳାଫଳ ଡିସେମ୍ବର ୩ ରେ ଆସିବ |