ନିର୍ବାଚନ ପ୍ରଚାର କରିବେ କଙ୍ଗନା! ବାଙ୍କେ ବିହାରୀ ଦର୍ଶନ ବେଳେ କଙ୍ଗନା ଦେଲେ ଏଭଳି ବୟାନ
ମୁମ୍ବାଇ: ନିଜର ବିବାଦୀୟ ମନ୍ତବ୍ୟ ପାଇଁ ସର୍ବଦା ଚର୍ଚ୍ଚାରେ ଥିବା ବଲିଉଡ ଅଭିନେତ୍ରୀ କଙ୍ଗନା ରାଣାୱତ ଏବେ ନିର୍ବାଚନ ପ୍ରଚାରକୁ ଓହ୍ଲାଇବା ନେଇ ସଂକେତ ଦେଇଛନ୍ତି । ସେ ବୃନ୍ଦାବନର ଠାକୁର ବାଙ୍କେ ବିହାରୀ ଦର୍ଶନ କରିବାକୁ ଯାଇଥିବା ବେଳେ ଗଣମାଧ୍ୟମକୁ କହିଛନ୍ତି କି, ସେ ନେତା ନୁହଁନ୍ତି କିନ୍ତୁ ରାଷ୍ଟ୍ରବାଦୀ ଲୋକଙ୍କ ସପକ୍ଷରେ ସେ ନିର୍ବାଚନ ପ୍ରଚାର କରିବେ ।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କଙ୍ଗନା ବୃନ୍ଦାବନର ବାଙ୍କେ ବିହାରୀ ଦର୍ଶନ ପାଇଁ ସେଠାରେ ପହଞ୍ଚିଥିଲେ। ସେଠାରେ ପୂଜା ପାଠ କରିବା ପରେ ସେ ପୂଜାରୀଙ୍କଠାରୁ ଆଶୀର୍ବାଦ ନେବା ପରେ ଗଣମାଧ୍ୟମ ଓ ସାଧାରଣ ଲୋକ ତାଙ୍କ ପାଖରେ ଭିଡ ଜମାଇଥିଲେ । ଏହି କ୍ରମରେ ସେଠାରେ ଗଣମାଧ୍ୟମ ପ୍ରତିନିଧିମାନେ କଙ୍ଗନାଙ୍କୁ ନିର୍ବାଚନ ପ୍ରଚାର କରିବା ନେଇ ପ୍ରଶ୍ନ ପଚାରିଥିଲେ । ଏହାର ଉତ୍ତରରେ କଙ୍ଗନା କହିଥିଲେ ଯେ, ଯିଏ ରାଷ୍ଟ୍ରବାଦୀ ସେ ସେମାନଙ୍କ ସପକ୍ଷରେ ନିର୍ବାଚନ ପ୍ରଚାର କରିବେ । ଏହାସହ ସେ ସ୍ପଷ୍ଟ କରିଥିଲେ ଯେ, ସେ କୌଣସି ରାଜନୈତିକ ଦଳ ସହ ସଂପୃକ୍ତ ନୁହଁନ୍ତି, ଯିଏ ରାଷ୍ଟ୍ରବାଦ ଉପରେ କାମ କରିବ ସେହି ନେତାଙ୍କ ସପକ୍ଷରେ ସେ ନିର୍ବାଚନ ପ୍ରଚାରକୁ ଓହ୍ଲାଇବେ ବୋଲି କହିଛନ୍ତି ।