ନୂଆଦିଲ୍ଲୀ: ପଶ୍ଚିମବଙ୍ଗରେ ଦୁଇ ଦିନିଆ ଯାତ୍ରା ଶେଷ କରିବା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ବିହାରର ଓଉରଙ୍ଗାବାଦରେ ପହଞ୍ଚିଥିଲେ । ସେଠାରେ ସେ ଏକ ଜନସଭାକୁ ସମ୍ବୋଧିତ କରି ବିରୋଧୀ ଦଳମାନଙ୍କ ଉପରେ କଡା ଟାର୍ଗେଟ କରିଥିଲେ | ସେ କହିଥିଲେ ଯେ ଆମେ କାମ ଆରମ୍ଭ କରିଥାଉ ଏବଂ କାମ ମଧ୍ୟ ଶେଷ କରିଥାଉ | ଏହା ହିଁ ହେଉଛି ମୋଦୀଙ୍କ ଗ୍ୟାରେଣ୍ଟି | ସେହିପରି ପୂର୍ବତନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ ଏବଂ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ତେଜସ୍ୱୀ ଯାଦବଙ୍କୁ ଟାର୍ଗେଟ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ଏବେ ଏମାନେ ଏହି ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଚାହୁଁନାହାଁନ୍ତି। ଏହି ଲୋକମାନେ ରାଜ୍ୟସଭା ଆସନ ଖୋଜୁଛନ୍ତି। ଏହା ହିଁ ଜନସାଧାରଣଙ୍କ ଶକ୍ତି, ଯାହାକୁ ମୁଁ ସ୍ୱାଗତ କରୁଛି |
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀଙ୍କ କହିଛନ୍ତି ଯେ ଏନଡିଏର ଶକ୍ତି ବୃଦ୍ଧି ପରେ ବିହାରରେ ପରିବାରବାଦ ରାଜନୀତି ଭାଙ୍ଗିବାରେ ଲାଗିଛି। ପରିବାରବାଦ ରାଜନୀତିର ଆଉ ଏକ ବିଡ଼ମ୍ବନା ଅଛି | ପିତାମାତାଙ୍କଠାରୁ ଦଳ ଏବଂ ଚେୟାର ଯଦିଓ ମିଳିଯାଇଥାଏ, କିନ୍ତୁ ପିତା-ମାତାଙ୍କ ସରକାରଙ୍କ କାର୍ଯ୍ୟ ଥରେ ମଧ୍ୟ ଉଲ୍ଲେଖ କରିବାକୁ ସାହସ କରନ୍ତି ନାହିଁ | ପରିବାରବାଦର ଏହା ହେଉଛି ଅବସ୍ଥା | ଆଜି ବିହାରକୁ ଆସିବା ମୋ ପାଇଁ ସ୍ୱତନ୍ତ୍ର | କାରଣ କିଛି ଦିନ ପୂର୍ବରୁ ଦେଶ ବିହାରର ଗୌରବ କର୍ପୁରୀ ଠାକୁରଙ୍କୁ ଭାରତ ରତ୍ନ ଦେଇଛି। ଏହି ସମ୍ମାନ ସମଗ୍ର ବିହାର ପାଇଁ ଏକ ସମ୍ମାନ। ଆରଜେଡିକୁ କଟାକ୍ଷ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ବର୍ତ୍ତମାନ ବିହାର ଏକ ଡବଲ ଇଂଜିନର ବେଗରେ ଆଗକୁ ବଢୁଛି ଏବଂ ଯେଉଁମାନେ ବିହାରକୁ ଲୁଟ୍ କରିଛନ୍ତି ସେମାନେ ପରାସ୍ତ ହୋଇଛନ୍ତି। ବିହାରରେ ଏନଡିଏ ସରକାର ଗଠନ ହେବା ଦିନଠାରୁ ପରିବାରବାଦରୁ ଗଠନ ହୋଇଥିବା ଦଳର ଲୋକମାନେ ମଧ୍ୟ ନିରାଶ ହୋଇପଡିଛନ୍ତି।