ବସ୍ତା ଅବକାରୀ ବିଭାଗର ଚଢ଼ାଉ: କୋଟିଏ ଟଙ୍କା ଅଫିମ ଜବତ, ଜଣେ ଗିରଫ
ବସ୍ତା: ବସ୍ତା ଅବକାରୀ ବିଭାଗକୁ ମିଳିଛି ବଡ଼ ସଫଳତା। ୬୦ ନମ୍ବର ଜାତୀୟ ରାଜପଥ ଅମର୍ଦାରୋଡ଼ ବାଇପାସ ନିକଟରୁ ପାଖାପାଖି ୧ କୋଟି ଟଙ୍କାର ଅଫିମ ଜବତ କରିଛି ଅବକାରୀ ବିଭାଗ।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ବାଲେଶ୍ଵର ଜିଲ୍ଲା ବସ୍ତା ଥାନା ଅନ୍ତର୍ଗତ ୬୦ ନମ୍ବର ଜାତୀୟ ରାଜପଥର ଅମର୍ଦାରୋଡ ବାଇପାସ ନିକଟରୁ ବସ୍ତା ଓ ଜଳେଶ୍ୱର ଅବକାରୀ ବିଭାଗ ଏବଂ ଅବକାରୀ ସ୍ୟାଟଲାଇଟ ୟୁନିଟ ପକ୍ଷରୁ ମିଳିତ ଚଢ଼ାଉ କରାଯାଇଥିଲା। ଚଢ଼ାଉ ସମୟରେ ୯୯୦ ଗ୍ରାମର ଅଫିମ ଜବତ କରିବା ସହିତ ଜଣେ ବ୍ୟବସାୟୀଙ୍କୁ ଗିରଫ କରାଯାଇଛି।
ଜବତ ଅଫିମର ଆନୁମାନିକ ମୂଲ୍ୟ ୯୯ ଲକ୍ଷ ଟଙ୍କାରୁ ଅଧିକ ହେବ ଜଣାପଡ଼ିଛି। ଗିରଫ ହୋଇଥିବା ବ୍ୟବସାୟୀ ଜଣକ ବସ୍ତା ଥାନା ତଳ ତାପଣ୍ଡା ଗ୍ରାମର ଜଳଧର ରାଉତ। ତେବେ ଏତେ ଟଙ୍କାର ଅଫିମ କୋଉଠୁ ଆଣୁଥିଲେ କୋଉଠିକୁ ନେଉଥିଲେ, ଏହି କାରବାର ପଛରେ କିଏ କିଏ ଅଛନ୍ତି ତାହା ଅଧିକ ତଦନ୍ତ ପରେ ଜଣାପଡ଼ିବ।