ପ୍ରଧାନମନ୍ତ୍ରୀ ମୋଦୀଙ୍କୁ ପ୍ରଭୁ ଶ୍ରୀରାମଙ୍କ ସହ ତୁଳନା କରି ଟ୍ରୋଲ ହେବାରୁ ମୁହଁତୋଡ଼ ଜବାବ ଦେଲେ କଙ୍ଗନା

ନୂଆଦିଲ୍ଲୀ: ଆଜି ୪ଟି ରାଜ୍ୟରେ ହୋଇଥିବା ନିର୍ବାଚନର ଫଳାଫଳ ଆସିବ। ଏବେ ଗଣନା ଚାଲିଥିବା ବେଳେ ମଧ୍ୟପ୍ରଦେଶ, ରାଜସ୍ଥାନ ଓ ଛତିଶଗଡ଼ରେ ବିଜେପି ଆଗରେ ରହିଥିବା ଜଣାପଡ଼ିଛି। ଏହା ସହ ତେଲେଙ୍ଗାନାରେ ବହୁମତ ହାସଲ କରିଛି କଂଗ୍ରେସ। ତେବେ ୪ଟିରୁ ୩ଟି ରାଜ୍ୟରେ ବିଜେପି ବିଜୟ ଆଡକୁ ଅଗ୍ରସର ହେଉଥିବା ବେଳେ ଅଭିନେତ୍ରୀ କଙ୍ଗନା ରାନାୱତ୍ ନିଜର ଖୁସି ବ୍ୟକ୍ତ କରିଛନ୍ତି। ହେଲେ ଏଥିପାଇଁ ତାଙ୍କୁ ଟ୍ରୋଲ ହେବାକୁ ପଡ଼ିଛି।

ତିନି ରାଜ୍ୟରେ ବିଜେପିର ବିଜୟ ଉତ୍ସବ ପାଳନ କରି କଙ୍ଗନା ରାନାୱତ ଏକ୍ସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଫଟୋ ସେୟାର କରିଥିଲେ। ଫଟୋ ସହିତ ସେ ହିନ୍ଦୀରେ ଲେଖିଥିଲେ, “ପ୍ରଭୁ ରାମ ଆସିଛନ୍ତି #ନିର୍ବାଚନ ଫଳାଫଳ”। ତାଙ୍କ ପୋଷ୍ଟ ଉପରେ ପ୍ରତିକ୍ରିୟା ପ୍ରକାଶ କରି ଜଣେ ଉପଭୋକ୍ତା ମନ୍ତବ୍ୟ ଦେଇଥିଲେ, ସେ ହିନ୍ଦୁ ଭଗବାନଙ୍କ ସହ ମୋଦୀଙ୍କୁ ତୁଳନା କରୁଛନ୍ତି। ହିନ୍ଦୁ ଧର୍ମରେ ଏହାକୁ ଅନୁମତି ଦିଆଯାଇଛି କି?

राम आये हैं #ElectionResults pic.twitter.com/0INhYJ4w8t

— Kangana Ranaut (@KanganaTeam) December 3, 2023

ଏହାର ଜବାବରେ କଙ୍ଗନା ଏବେ ଲେଖିଛନ୍ତି, “ହଁ, ଏହାକୁ ଅନୁମତି ଦିଆଯାଇଛି। ଶ୍ରୀକୃଷ୍ଣ ଗୀତାରେ କହିଛନ୍ତି ଯେ ମୁଁ ମୋର ପ୍ରକୃତ ଭକ୍ତ ସହିତ ସମାନ। ତାଙ୍କ ମଧ୍ୟରେ ଏବଂ ମୋ ମଧ୍ୟରେ କୌଣସି ପାର୍ଥକ୍ୟ ନାହିଁ। ଆମର ଭଗବାନ ବହୁତ ଭଲ। ମୁଣ୍ଡ କାଟ ନାହିଁ, ଚାବୁକ ମାରିବା ନାହିଁ, ଆପଣ ମଧ୍ୟ ଆମ ଦଳକୁ ଆସିପାରିବେ। “