ନୂଆଦିଲ୍ଲୀ : କରୋନା ଭୁତାଣୁର ନୂଆ ପ୍ରଜାତି ଓମିକ୍ରନ ଆକ୍ରାନ୍ତଙ୍କ ସଂଖ୍ୟା ଭାରତରେ ବଢିଚାଲିଥିବାବେଳେ ଆଜି ଏକ ଚିନ୍ତା ସୃଷ୍ଟିକାରୀ କଥା କହିଛନ୍ତି ସରକାରଙ୍କ କୋଭିଡ୍ ଟିକା ଟାକ୍ସଫୋର୍ସ ମୁଖ୍ୟ ଡ.ଭି.କେ.ପଲ୍ । ସେ କହିଛନ୍ତି ଯେ ଓମିକ୍ରନ ଆସିବା ପରେ ଆମ ଦେଶରେ ଏପର୍ଯ୍ୟନ୍ତ ଦିଆଯାଇଥିବା ଟିକାଗୁଡ଼ିକ ପ୍ରଭାବହୀନ ହୋଇଯିବାର ଆଶଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ସିଆଇଆଇ ପକ୍ଷରୁ ଆୟୋଜିତ ଏକ କର୍ମଶାଳାରେ ଯୋଗ ଦେଇ ସେ କହିଛନ୍ତି ଯେ, ନୂଆ ନୂଆ ପ୍ରଜାତି ବା ଭାରିଆଣ୍ଟ ଆସିଲେ ଟିକା ଗୁଡ଼ିକ ପ୍ରଭାବହୀନ ହୋଇପାରେ । ଏଥିପାଇଁ ଆମକୁ ପ୍ରତି ବର୍ଷ ଟିକାରେ ଆବଶ୍ୟକ ପରିବର୍ତ୍ତନ ଆଣିବାକୁ ପଡ଼ିବ । ଆମେ ସମାନ ପ୍ଲାଟଫର୍ମକୁ ବ୍ୟବହାର କରି ନୂଆ ଭାରିଆଣ୍ଟ ପାଇଁ କେତେ ଶୀଘ୍ର ଟିକା ତିଆରି କରିପାରୁଛୁ ତାହା ଉପରେ ସବୁ କିଛି ନିର୍ଭର କରିବ ।
ଆଗକୁ ମଧ୍ୟ ନୂଆ ନୂଆ ଭାରିଆଣ୍ଟ ଆସିବ, ତାହାକୁ ଦୃଷ୍ଟିରେ ରଖି ଆମକୁ ଟିକାରେ ଆବଶ୍ୟକ ପରିବର୍ତ୍ତନ କରିବାକୁ ପ୍ରସ୍ତୁତ ରହିବାକୁ ପଡିବ ବୋଲି ସେ କହିଛନ୍ତି ।
ଅନ୍ୟପକ୍ଷରେ ସିଏସଆଇଆର ଜିନୋମିକ୍ସ ବୈଜ୍ଞାନିକ ଡ.ଅନୁରାଗ ଅଗ୍ରଓ୍ବାଲ କହିଛନ୍ତି ଯେ ଯେ ଓମିକ୍ରନ ଆକ୍ରାନ୍ତଙ୍କ ସଂଖ୍ୟା କମ ଥିଲେ ବି ଖୁବଶୀଘ୍ର ସ୍ଥିତି ବଦଳିଯାଇପାରେ, କାରଣ ଏହାର ଶରୀରର ରୋଗପ୍ରତିରୋଧକ ଶକ୍ତିକୁ ଅତିକ୍ରମ କରିବାର କ୍ଷମତା ରହିଛି ।