ଉଦ୍ଧବ ସରକାରକୁ ନ ଭାଙ୍ଗିଲେ ରାଷ୍ଟ୍ରପତି ଶାସନ ଲାଗୁ କରିବାକୁ ଧମକ ଦେଉଛି ବିଜେପି
ମୁମ୍ବାଇ: ମଙ୍ଗଳବାର ଦିନ ଶିବସେନା ସାଂସଦ ସଞ୍ଜୟ ରାଓତ ଅଭିଯୋଗ କରିଛନ୍ତି ଯେ ମହାରାଷ୍ଟ୍ର ସରକାରକୁ ହଟାଇବା ପାଇଁ ବିଜେପିର ବରିଷ୍ଠ ନେତାମାନେ ତାଙ୍କୁ ଚାପ ପକାଉଛନ୍ତି ଏବଂ ସହଯୋଗ ନକଲେ ରାଜ୍ୟରେ ରାଷ୍ଟ୍ରପତିଙ୍କ ଶାସନ ଲାଗୁ କରିବେ ବୋଲି ଧମକ ଦେଇଛନ୍ତି। ମୁମ୍ବାଇର ଶିବସେନା ଭବନରେ ଦଳର ସାଂସଦ ଓ ମନ୍ତ୍ରୀଙ୍କ ସହ ଏକ ବୈଠକ ପରେ ସାମ୍ବାଦିକ ସମ୍ମିଳନୀରେ ରାଓତ ଦାବି କରିଛନ୍ତି ଯେ ବିଜେପି ଅନେକ ଥର ତାଙ୍କୁ ମହା ବିକାଶ ଅଘାଡି ସରକାରରୁ ବାହାରିଯିବାକୁ କହୁଛନ୍ତି । ରାଓତ କହିଛନ୍ତି, “ପ୍ରାୟ ୨୦ ଦିନ ପୂର୍ବେ ବିଜେପିର କିଛି ବରିଷ୍ଠ ନେତା ମୋତେ ତିନିଥର ଭେଟିଥିଲେ ଏବଂ ମୋତେ ବାରମ୍ବାର ସରକାର ଭାଙ୍ଗିଦେବାକୁ କହିଥିଲେ। ସେମାନେ ସମ୍ପୂର୍ଣ୍ଣ ପ୍ରସ୍ତୁତ ଥିବାର କହିଥିବାବେଳେ ରାଷ୍ଟ୍ରପତି ଶାସନ ଲାଗୁ କରିବା ପାଇଁ ବି ପ୍ରସ୍ତୁତି ଚାଲିଥିବାର କହିଥିଲେ |
Sambad is now on WhatsApp
Join and get latest news updates delivered to you via WhatsApp
ସେମାନେ ଆମକୁ ଚୁପ୍ ରହିବାକୁ ଅନୁରୋଧ କରିଛନ୍ତି। ” ସେ ଅଭିଯୋଗ କରିଛନ୍ତି ଯେ ଯଦି ସହଯୋଗ କରିବାକୁ ମନା କରନ୍ତି ତେବେ ବିଜେପି ପ୍ରତିନିଧୀମାନେ ଆମକୁ ଜବାବ ଦେବେ ବୋଲି ଧମକ ଦେଇଛନ୍ତି। ସଞ୍ଜୟ ଅଭିଯୋଗ କରିଛନ୍ତି ଯେ ବିଜେପିର ନିର୍ଦ୍ଦେଶରେ ଦଳର ନେତା ତଥା ଅନ୍ୟ ବିରୋଧୀ ଦଳର ସଦସ୍ୟଙ୍କୁ ଟାର୍ଗେଟ କରାଯାଉଛି ଏବଂ ଧମକ ଦିଆଯାଉଛି।
ଅନେକ ଶିବସେନା ନେତା କେନ୍ଦ୍ରୀୟ ଏଜେନ୍ସିର ଆକ୍ରମଣର ସମ୍ମୁଖୀନ ହେଉଛନ୍ତି। ଏହା କେବଳ ମହାରାଷ୍ଟ୍ରର ନୁହେଁ ବରଂ ସମଗ୍ର ଦେଶର ସମସ୍ୟା। ପଶ୍ଚିମବଙ୍ଗ ମଧ୍ୟ ସମାନ ସମସ୍ୟାର ସମ୍ମୁଖୀନ ହେଉଛି।