ଦିଲ୍ଲୀରେ ମାତିଛନ୍ତି ପିଲା ଚୋରି ଗ୍ୟାଙ୍ଗ୍; ଚଢ଼ାଉ କରି ଅନେକଙ୍କୁ ଉଦ୍ଧାର କଲା ସିବିଆଇ
ନୂଆଦିଲ୍ଲୀ: ଶିଶୁ ଚାଲାଣ ମାମଲାରେ ଦିଲ୍ଲୀର ଅନେକ ଅଞ୍ଚଳରେ ସିବିଆଇ ଚଢ଼ାଉ କରିଛି। ଏହି ଚଢ଼ାଉ ବେଳେ ସିବିଆଇ ଟିମ୍ କେଶବପୁରମର ଏକ ଘରୁ ଦୁଇ ନବଜାତ ଶିଶୁକୁ ଉଦ୍ଧାର କରିଥିଲା। ପ୍ରାରମ୍ଭିକ ଅନୁସନ୍ଧାନରେ, ନବଜାତ ଶିଶୁମାନଙ୍କୁ କିଣିବା ଏବଂ ବିକ୍ରୟ ସହିତ ଏହି ମାମଲା ଜଡ଼ିତ ବୋଲି ସନ୍ଦେହ ଥିଲା।
Sambad is now on WhatsApp
Join and get latest news updates delivered to you via WhatsApp
ବର୍ତ୍ତମାନ ପିଲାମାନଙ୍କୁ ବିକ୍ରି କରିଥିବା ମହିଳା ଏବଂ ସେମାନଙ୍କୁ କିଣିଥିବା ବ୍ୟକ୍ତିଙ୍କୁ ପଚରାଉଚରା କରୁଛି ସିବିଆଇ ଟିମ୍। ଏହି ମାମଲାରେ ସିବିଆଇ ଟିମ୍ ଜଣେ ମହିଳାଙ୍କ ସମେତ କିଛି ଲୋକଙ୍କୁ ଅଟକ ରଖି ପଚରାଉଚରା କରୁଛି। ଏନସିଆର ଏବଂ ଦିଲ୍ଲୀରେ ଶିଶୁ ଚାଲାଣ ମାମଲାରେ ସିବିଆଇ ୭-୮ ପିଲାଙ୍କୁ ଉଦ୍ଧାର କରିଛି। ଗିରଫ ବ୍ୟକ୍ତିଙ୍କ ମଧ୍ୟରେ ଡାକ୍ତରଖାନାର ୱାର୍ଡ ବାଳକ ଏବଂ କିଛି ମହିଳା ମଧ୍ୟ ଅଛନ୍ତି।
ମାନବ ଚାଲାଣ ଖବର ପାଇ ପ୍ରଥମେ ଦିଲ୍ଲୀ କେଶବ ପୁରମ ଅଞ୍ଚଳରେ ରେଡ କରିଥିଲା ସିବିଆଇ। ଏହି କ୍ରମରେ ସିବିଆଇକୁ ମିଳିଥିଲା ଏଭଳି ଜାଗା ଯେଉଁଠାରେ କିଛି ନବଜାତଙ୍କୁ ରଖାଯାଇଥିଲା। ସେଠାରେ ଧରାପଡିଥିବା ମହିଳା ପୁରୁଷଙ୍କୁ ଜେରା କରାଯିବାରୁ ସେମାନେ ସତ ମାନିଥିଲେ। ସମସ୍ତ ନବଜାତଙ୍କୁ ହସ୍ପିଟାଲରୁ ଚୋରି କରାଯାଇଥିବା ମାନିଥିଲେ। ଏହି ଘଟଣାରେ ଦିଲ୍ଲୀର ବିଭିନ୍ନ ସ୍ଥାନରେ ଚଢାଉ ଚାଲିଛି। ଏବେ କେବଳ ଦିଲ୍ଲୀ ନୁହେଁ ବିଭିନ୍ନ ରାଜ୍ୟରେ ମଧ୍ୟ ପିଲା ଚୋର ମାତିଥିବାର ଖବର ଆସୁଥିବାରୁ ଲୋକଙ୍କ ମନରେ ଛନକା ପଶିଛି।