୩ ହଜାର କର୍ମଚାରୀଙ୍କୁ ଛଟେଇ କରିବ ଏହି ବ୍ରିଟିସ କମ୍ପାନି, ଭାରତରେ ଲାଗୁ ହେବନି ନିଷ୍ପତ୍ତି
ଲଣ୍ଡନ : ବିଶ୍ବ ଆର୍ଥିକ ମାନ୍ଦାବସ୍ଥା ଆଶଙ୍କା ମଧ୍ୟରେ ବିଭିନ୍ନ ବହୁରାଷ୍ଟ୍ରୀୟ କମ୍ପାନିରେ ଛଟେଇ ଜାରି ରହିଛି । ଆମାଜନ୍ ଠାରୁ ଆରମ୍ଭ କରି ମେଟା, ଟ୍ୱିଟର ଓ ମାଇକ୍ରୋସଫ୍ଟ ପର୍ଯ୍ୟନ୍ତ ହଜାର ହଜାର ଚାକିରି ଛଟେଇ କରିଛନ୍ତି। ଏବେ ଏହି ତାଲିକାରେ ଆଉ ଏକ ବୃହତ ବହୁରାଷ୍ଟ୍ରୀୟ କନସଲଟାନ୍ସି ସଂସ୍ଥାର ନାମ ଯୋଡ଼ି ହୋଇଛି। ଏହି କମ୍ପାନି ହେଉଛି ଅର୍ନଷ୍ଟ ଆଣ୍ଡ ୟଙ୍ଗ । କଂପାନି ଏହାର ମୋଟ କର୍ମଚାରୀଙ୍କ ୫ ପ୍ରତିଶତ କର୍ମଚାରୀଙ୍କୁ ଛଟେଇ କରିବାକୁ ପ୍ରସ୍ତୁତ ହେଉଛି ।
Sambad is now on WhatsApp
Join and get latest news updates delivered to you via WhatsApp
ଛଟେଇ ଯୋଗୁଁ ପ୍ରାୟ ୩୦ କର୍ମଚାରୀ ଚାକିରି ହରାଇବେ। କମ୍ପାନୀର ବ୍ୟବସାୟରେ କ୍ଷତି ଯୋଗୁଁ ଏହି ଛଟେଇ ହୋଇଛି ବୋଲି ଅର୍ନଷ୍ଟ ଆଣ୍ଡ ୟଙ୍ଗ ପ୍ରକାଶ କରିଛି । କମ୍ପାନୀ କହିଛି ଯେ ଆମେରିକୀୟ କାର୍ଯ୍ୟନିର୍ବାହୀ କମିଟିର ଆପତ୍ତି କାରଣରୁ ଏହାର ଅଡିଟ୍ ଏବଂ ପରାମର୍ଶ ଅଂଶକୁ ଅଲଗା କରିବାର ଯୋଜନା ପ୍ରତ୍ୟାହାର କରାଯାଇଛି । ଏହା ସହିତ କର୍ମଚାରୀଙ୍କୁ ଛଟେଇ କରିବାକୁ ନିଷ୍ପତ୍ତି ନିଆଯାଇଛି ।
କମ୍ପାନିର ମୁଖପାତ୍ରଙ୍କ ପକ୍ଷରୁ ଜାରି ଏକ ବିବୃତିରେ କୁହାଯାଇଛି ଯେ ସାମ୍ପ୍ରତିକ ଅର୍ଥନୈତିକ ସ୍ଥିତି, କିଛି ବିଭାଗରେ ଅଧିକ କର୍ମଚାରୀ, ଅଧିକ ଦରମା ଆଦିକୁ ଆକଳନ କରିବା ପରେ କମ୍ପାନି କର୍ମଚାରୀଙ୍କୁ ଛଟେଇ କରିବାକୁ ବାଧ୍ୟ ହୋଇଛି । ତେବେ ଭାରତରେ ଏହି ଛଟେଇ ହେବ ନାହିଁ। କମ୍ପାନୀ ଆମେରିକାରେ ବନ୍ଦ ହୋଇଯିବ ।