ବୁଲା କୁକୁର ଆକ୍ରମଣରେ ୪ ବର୍ଷର କୁନି ଝିଅର ମୃତ୍ୟୁ
ଜୟପୁର: ରାଜସ୍ଥାନର ଉଦୟପୁରରୁ ଏକ ହୃଦୟ ବିଦାରକ ଖବର ସାମ୍ନାକୁ ଆସିଛି | ବାସ୍ତବରେ ବୁଲା କୁକୁରଙ୍କ ଆକ୍ରମଣରେ କୁନି ଝିଅର ମୃତ୍ୟୁ ହୋଇଯାଇଛି | ରାଜସ୍ଥାନର ଅମ୍ବାମାତା ପୁଲିସ ଷ୍ଟେସନ ଅଞ୍ଚଳରେ ଏହା ଘଟିଛି। ବୁଲାକୁକୁରମାନେ ହଠାତ୍ ଚାରି ବର୍ଷର ଝିଅକୁ ଆକ୍ରମଣ କରିଥିଲେ | କୁକୁରମାନଙ୍କ ଦ୍ୱାରା ଘେରି ରହିଥିବା ଝିଅଟି ଖସିଯିବାର ସୁଯୋଗ ମଧ୍ୟ ପାଇନଥିଲା । ଆଉ କୁକୁରମାନେ କୁନି ଝିଅକୁ ଝୁଣି ପକାଇଥିଲେ | ମିଳିଥିବା ସୂଚନା ମୁତାବକ ରମଜାନ ପାଇଁ ଏକ ପରିବାର ମଧ୍ୟପ୍ରଦେଶରୁ ତାଙ୍କ ସମ୍ପର୍କୀୟଙ୍କ ଘରକୁ ଆସିଥିଲେ |
Sambad is now on WhatsApp
Join and get latest news updates delivered to you via WhatsApp
ଶୁକ୍ରବାର ସକାଳେ କୁନି ଝିଅକୁ ଝୁଣି ପକାଇଥିଲେ | ପୁଲିସଠାରୁ ମିଳିଥିବା ସୂଚନା ମୁତାବକ କୁକୁରଙ୍କ ଏଭଳି ଆକ୍ରମଣ ଜଣାପଡିବା ପରେ ତୁରନ୍ତ କୁନି ଝିଅକୁ ଡାକ୍ତରଖାନା ନିଆଯାଇଥିଲା। ଚିକିତ୍ସା ସମୟରେ ତାଙ୍କର ମୃତ୍ୟୁ ଘଟିଥିଲା। ପୋଷ୍ଟମର୍ଟମ ପରେ ମୃତଦେହ ପରିବାର ସଦସ୍ୟଙ୍କୁ ହସ୍ତାନ୍ତର କରାଯାଇଥିବା ସେ କହିଛନ୍ତି। ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ କୁନି ଝିଅଟି କୁକୁର ଆକ୍ରମଣରୁ ନିଜକୁ ରକ୍ଷା କରିବା ପାଇଁ ବହୁତ ଚେଷ୍ଟା କରିଥିଲା। କୁକୁର ଆକ୍ରମଣରେ ଆହତ ହୋଇଥିବା ଝିଅକୁ ଡାକ୍ତରଖାନା ନିଆଯାଇଥିଲା। ଚିକିତ୍ସା ସମୟରେ ନିରୀହ ଶିଶୁର ମୃତ୍ୟୁ ଘଟିଛି। ଏହି ଦୁଃଖଦ ଘଟଣାକୁ ନେଇ ସ୍ଥାନୀୟ ଲୋକ ଅସନ୍ତୋଷ ବ୍ୟକ୍ତ କରିଛନ୍ତି। ସେମାନେ କହିଛନ୍ତି ଯେ ବୁଲାକୁକୁରମାନଙ୍କୁ ଧରିବା ପାଇଁ କୌଣସି ବ୍ୟବସ୍ଥା ନାହିଁ।