ନୂଆଦିଲ୍ଲୀ: ଅକ୍ଟୋବର୨ଗାନ୍ଧୀ ଜୟନ୍ତୀ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗ୍ୱାଲିଅର୍ ଗସ୍ତରେ ଆସିବେ। ପ୍ରଧାନମନ୍ତ୍ରୀ ତାଙ୍କର ଗସ୍ତ ପୂର୍ବରୁ ଆଜି କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ଟ୍ୱିଟକୁ ରିଟ୍ୱିଟ କରିଛନ୍ତି। ଯେଉଁଥିରେ ଗ୍ୱାଲିଅର୍ ରେଳ ଷ୍ଟେସନର ଐତିହ୍ୟର ଦୃଶ୍ୟର ଭିଡିଓ ପ୍ରଦର୍ଶିତ ହୋଇଛି।
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ମୋଦୀ ତାଙ୍କ ଟ୍ୱିଟର ହ୍ୟାଣ୍ଡେଲରେ ଲେଖିଛନ୍ତି, ବହୁତ ଭଲ! ସାରା ଦେଶରେ ରେଳ ଷ୍ଟେସନର ନବୀକରଣ ହେଉଛି ଆମ ସରକାରଙ୍କ ପ୍ରାଥମିକତା। ସର୍ବାଧିକ ସୁବିଧା ସହିତ ଗ୍ୱାଲିଅର୍ ରେଳ ଷ୍ଟେସନର ବିକାଶ ହେତୁ ଯାତ୍ରୀଙ୍କ ଯାତ୍ରା ଅତି ସହଜ ହେବ।
बहुत खूब! देशभर के रेलवे स्टेशनों का कायाकल्प करना हमारी सरकार की प्राथमिकता है। अत्याधुनिक सुविधाओं के साथ ग्वालियर रेलवे स्टेशन के विकसित होने से यात्रियों का सफर बहुत आसान होने वाला है। https://t.co/4ZZd94o2W2
— Narendra Modi (@narendramodi) September 30, 2023
ସୂଚନାଯୋଗ୍ୟ,ହାଇ-ଟେକ୍ ଢଙ୍ଗରେ ଗ୍ୱାଲିଅର୍ ଷ୍ଟେସନ୍ ନିର୍ମାଣ କରାଯାଉଛି। ଆଧୁନିକ ସୁବିଧା ସହିତ ଗ୍ୱାଲିଅର୍ ରେଳ ଷ୍ଟେସନ୍ ପ୍ରସ୍ତୁତ ହେଉଛି। ଏଥିଲାଗି ଯୁଦ୍ଧକାଳୀନ ଭିତ୍ତିରେ କାମ ଚାଲିଛି | କାର୍ଯ୍ୟର ଅଗ୍ରଗତି ଏବଂ ଗତିକୁ ଦେଖିଲେ ଲାଗୁଛି ଯେ ଏହି ଷ୍ଟେସନ୍ ଶୀଘ୍ର ପ୍ରସ୍ତୁତ ହୋଇଯିବ। ଏଥିସହିତ, ଯଦି ବରିଷ୍ଠ ଅଧିକାରୀମାନଙ୍କ କଥାକୁ ବିଶ୍ବାସ କରାଯାଏ, ତେବେ ରେଳ ଷ୍ଟେସନ ଆସନ୍ତା ୨୦୨୪ରେ ଏକ ନୂଆ ରୂପରେ ଦେଖାଯିବ। ଗ୍ୱାଲିଅରର ଐତିହାସିକ ରେଳ ଷ୍ଟେସନକୁ ଏକ ଐତିହ୍ୟ ରୂପ ଦିଆଯିବ ଏବଂ ଏହା ଏକ ବିଶ୍ୱସ୍ତରୀୟ ରେଳ ଷ୍ଟେସନରେ ପରିଣତ ହେବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଗସ୍ତ ପାଇଁ ପ୍ରଶାସନିକ ସ୍ତରରେ ଅନେକ ପ୍ରସ୍ତୁତି ଚାଲିଛି। ସୁରକ୍ଷା ପାଇଁ ୫ ହଜାରରୁ ଅଧିକ ପୁଲିସ କର୍ମଚାରୀ ନିୟୋଜିତ ହେବେ ବୋଲି କୁହାଯାଉଛି। ଏହା ବ୍ୟତୀତ ସ୍ୱତନ୍ତ୍ର ହେଲିପ୍ୟାଡ ବ୍ୟବସ୍ଥା ମଧ୍ୟ କରାଯାଉଛି।