ଅଯୋଧ୍ୟାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି
ଅଯୋଧ୍ୟା: ଆସନ୍ତା ୧୭ ତାରିଖରେ ଶ୍ରୀରାମ ଜନ୍ମୋତ୍ସବ। ଅଯୋଧ୍ୟାରେ ରାମଲାଲାଙ୍କ ମନ୍ଦିରର ପ୍ରାଣପ୍ରତିଷ୍ଠା ପରେ ପ୍ରଥମ ଥର ପାଇଁ ନବନିର୍ମିତ ଭବ୍ୟ ମନ୍ଦିରରେ ଏହି ଉତ୍ସବ ଭବ୍ୟତାର ସହ ପାଳନ କରାଯିବ। ଏହାକୁ ଦୃଷ୍ଟିରେ ରଖି ଅଯୋଧ୍ୟାରେ ସୁରକ୍ଷା ବ୍ୟବସ୍ଥା କୁ କଡ଼ାକଡ଼ି କରାଯାଇଛି। ଏନେଇ ପୁଲିସ-ପ୍ରଶାସନ ପକ୍ଷରୁ ବ୍ୟପକ ବନ୍ଦୋବସ୍ତ ହୋଇଛି। ସହରର ପ୍ରବେଶ ଓ ନିର୍ଗମନ ପଥକୁ ସୁଗମ କରିବା, ଟ୍ରାଫିକ୍ ନିୟନ୍ତ୍ରଣ, ଗ୍ରୀଷ୍ମପ୍ରବାହ ପରିଚାଳନା, ଆଇନଶୃଙ୍ଖଳା ନିୟନ୍ତ୍ରଣ ପାଇଁ ବିହୀତ ପଦକ୍ଷେପ ଗ୍ରହଣ କରାଯାଇଛି। ଅଯୋଧ୍ୟା ଧାମରେ ଏପ୍ରିଲ୍ ୯ରୁ ରାମନବମୀ ମେଳା ଆରମ୍ଭ ହୋଇଛି। ଏହା ଏପ୍ରିଲ୍ ୧୭, ରାମନବମୀରେ ଶେଷ ହେବ। ଏହି ଦିନ ୨୫ଲକ୍ଷ ଭକ୍ତଙ୍କ ସମାଗମ ଘଟିବା ଅନୁମାନ କରାଯାଉଛି।