ଷ୍ଟକ ବଜାରରେ ଉତ୍ସାହ, ସେନସେକ୍ସ ୯୪୧ ପଏଣ୍ଟ ବୃଦ୍ଧି
ମୁମ୍ବାଇ : ବ୍ୟାଙ୍କିଙ୍ଗ ଷ୍ଟକଗୁଡ଼ିକରେ ପ୍ରବଳ ଉତ୍ସାହ ଯୋଗୁଁ ସୋମବାର ଷ୍ଟକବଜାରରେ ବୃଦ୍ଧି ପରିଲକ୍ଷିତ ହୋଇଛି । ବିଏସଇ ସେନସେକ୍ସ ୯୪୧.୧୨ ପଏଣ୍ଟ ବା ୧.୨୮ ପ୍ରତିଶତ ବୃଦ୍ଧି ପାଇ ୭୪,୬୭୧.୨୮ ରେ ବନ୍ଦ ହୋଇଥିବାବେଳେ ନିଫ୍ଟି ୨୧୫.୦୦ ପଏଣ୍ଟ ବା ୦.୯୬ ପ୍ରତିଶତ ବୃଦ୍ଧି ପାଇ ୨୨,୬୩୫.୦୦ରେ ପହଞ୍ଚିଛି। ପ୍ରାୟ ୧୭୧୪ ଟି ସେୟାର ବୃଦ୍ଧି ପାଇଥିବା ବେଳେ ୧୬୪୫ ଟି ସେୟାର ହ୍ରାସ ପାଇଛି ଏବଂ ୧୨୬ ଟି ସେୟାର ଅପରିବର୍ତ୍ତିତ ରହିଛି ।
Sambad is now on WhatsApp
Join and get latest news updates delivered to you via WhatsApp
ବ୍ୟାଙ୍କିଙ୍ଗ ସେୟାରରେ ନିବେଶକଙ୍କ କ୍ରୟ ଯୋଗୁଁ ଏହି ସେକ୍ଟରର ସେୟାରରେ ଜୋରଦାର ବୃଦ୍ଧି ଦେଖିବାକୁ ମିଳିଛି। ବ୍ୟାଙ୍କିଙ୍ଗ ଷ୍ଟକ୍ ବୃଦ୍ଧି ଯୋଗୁଁ ନାସନାଲ ଷ୍ଟକ ଏକ୍ସଚେଞ୍ଜର ବ୍ୟାଙ୍କିଙ୍ଗ୍ ଇଣ୍ଡେକ୍ସ ‘ନିଫ୍ଟି ବ୍ୟାଙ୍କ’ ୧୧୦୦ ପଏଣ୍ଟ୍ ବୃଦ୍ଧି ସହ ଐତିହାସିକ ସର୍ବୋଚ୍ଚ ସ୍ତରରେ କାରବାର କରୁଥିବା ବେଳେ ସରକାରୀ ବ୍ୟାଙ୍କଗୁଡ଼ିକର ସୂଚକାଙ୍କ ନିଫ୍ଟି ପିଏସୟୁ ବ୍ୟାଙ୍କ ସୂଚକାଙ୍କ ମଧ୍ୟ ନୂଆ ସର୍ବୋଚ୍ଚ ସ୍ତରରେ କାରବାର କରୁଛି। ପିଏସୟୁ ବ୍ୟାଙ୍କଗୁଡ଼ିକର ସେୟାର ମଧ୍ୟ ବୃଦ୍ଧି ପାଇଛି। ନିଫ୍ଟି ପିଏସୟୁ ବ୍ୟାଙ୍କ ସୂଚକାଙ୍କ ପ୍ରାୟ ୨୧୦ ପଏଣ୍ଟ ବୃଦ୍ଧି ପାଇ ୭୫୮୯.୮୦ ପଏଣ୍ଟରେ ପହଞ୍ଚିଛି।
ଗତ ସପ୍ତାହର ସପ୍ତାହରେ ଆଇସିଆଇସିଆଇ ବ୍ୟାଙ୍କ, ୟେସ୍ ବ୍ୟାଙ୍କ ଭଳି ବ୍ୟାଙ୍କ ସମେତ ଅନେକ ଘରୋଇ ବ୍ୟାଙ୍କର ତ୍ରୈମାସିକ ଫଳାଫଳ ପ୍ରକାଶ ପାଇଛି ଏବଂ ଏହି ବ୍ୟାଙ୍କଗୁଡିକର ତ୍ରୈମାସିକ ଫଳାଫଳ ଚମତ୍କାର ହୋଇଛି, ଯେଉଁକାରଣରୁ ବ୍ୟାଙ୍କିଙ୍ଗ ଷ୍ଟକ ଗୁଡିକରେ ଉତ୍ସାହ ଦେଖାଦେଇଛି ।