ରାଷ୍ଟ୍ରପତି ପଦ ଛାଡ଼ିବାକୁ ଚାହୁଁଛନ୍ତି ପୁଟିନ; କିଏ ହେବ ଉତ୍ତରାଧିକାରୀ ?
ମସ୍କୋ : ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ଚଳିତ ବର୍ଷ ନିଜର ଉତ୍ତରାଧିକାରୀ ଘୋଷଣା କରିବାର ସମ୍ଭାବନା ରହିଛି । ପୁଟିନ ୨୦୨୪ ନିର୍ବାଚନ ନ ଲଢି ନିଜର ଜଣେ ବିଶ୍ବସ୍ତ ବ୍ୟକ୍ତିଙ୍କୁ ରାଷ୍ଟ୍ରପତି ପଦରେ ବସାଇବାର ସମ୍ଭାବନା ରହିଛି ବୋଲି ତାଙ୍କର ଜଣେ ପୂର୍ବତନ କର୍ମଚାରୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପୁଟିନଙ୍କ ପୂର୍ବତନ ଭାଷଣ ଲେଖକ ଆବାସ ଗାଲିଆମୋଭ କହିଛନ୍ତି ଯେ, ରୁଷରେ ତାଙ୍କ ବିରୋଧରେ ଅସନ୍ତୋଷ ବଢୁଥିବାରୁ, ପଦଚ୍ୟୁତ ହେବାର ଭୟ ତାଙ୍କୁ ଗ୍ରାସିବାରେ ଲାଗିଛି । ଏଣୁ ଏହା ପୂର୍ବରୁ ସେ ନିଜର ଜଣେ ବିଶ୍ବସ୍ତ ବ୍ୟକ୍ତିଙ୍କୁ ରାଷ୍ଟ୍ରପତି ପଦରେ ବସାଇବାକୁ ଚାହୁଁଛନ୍ତି ଓ ନିଜେ ନିଜର ସୁରମ୍ୟ ବ୍ଲାକ ସି ପ୍ୟାଲସରେ ଅବସର ସମୟ କାଟିବାକୁ ଯୋଜନା କରୁଛନ୍ତି ।
ଲିବ୍ୟାର ପୂର୍ବତନ ଶାସକ ମୁଆମାର ଗଦାଫିଙ୍କ ପରି ପଦଚ୍ୟୁତ ହେବାକୁ ଚାହୁଁନାହାନ୍ତି ପୁଟିନ । ଏଣୁ ସେ ଆଗୁଆ ତାହାର ବ୍ୟବସ୍ଥା କରିବାକୁ ଚାହୁଁଛନ୍ତି । ଜଣେ ବୈଷୟିକ ବିଶେଷଜ୍ଞଙ୍କୁ ସେ ନିଜର ଉତ୍ତରାଧିକାରୀ ନିଯୁକ୍ତ କରିପାରନ୍ତି, ଯିଏକି ପାଶ୍ଚାତ୍ୟ ଦେଶଙ୍କ ସହ ଆଲୋଚନା କରି ଯୁଦ୍ଧ ଶେଷ କରିପାରିବ ।
ସମ୍ଭବତଃ ପୁଟିନ ମସ୍କୋର ମେୟର ସର୍ଗେଇ ସୋବ୍ୟାନିନ, ପ୍ରଧାନମନ୍ତ୍ରୀ ମିଖାଇଲ ମିସୁଷ୍ଟିନ କିମ୍ବା ସେନାର ଉପମୁଖ୍ୟ ଡିମିଟ୍ରି କୋଜାକଙ୍କୁ ରାଷ୍ଟ୍ରପତି କରିପାରନ୍ତି ବୋଲି ଗାଲିଆମୋଭ କହିଛନ୍ତି ।
ଗତ ବର୍ଷ ଫେବ୍ରୁଆରିରେ ଯୁଦ୍ଧ ଆରମ୍ଭ ହେବା ପରେ ପୁଟିନଙ୍କ ଲୋକପ୍ରିୟତା କମିଚାଲିଛି ।