ସୁନ୍ଦରଗଡ଼: ସୁନ୍ଦରଗଡ଼ ସହରର ବଡ଼ ମଦ ବ୍ୟବସାୟୀ ରାଜକିଶୋର ଜୟସ୍ୱାଲଙ୍କ ଘରେ ସମ୍ବଲପୁର ଆୟକର ବିଭାଗ ଚଢ଼ଉ ଜାରି ରଖିଛି। ଟିକସ୍ ଫାଙ୍କି ଅଭିଯୋଗରେ ଗତକାଲିଠାରୁ ରାଜକିଶୋରଙ୍କ ରାଣୀବଗିଚାସ୍ଥ ଘର, ତତ୍ ସଂଲଗ୍ନ ଅଫିସ ସହ ସର୍ଗିପାଲି ଦେଶୀ ମଦ ଭାଟିରେ ଏକକାଳୀନ ଚଢ଼ାଉ ଚାଲିଛି। ମଧ୍ୟ ରାତ୍ରରେ ଚଢ଼ଉ ସ୍ଥଗିତ ରଖିଥିବା ଟିମ୍ ଆଜି ସକାଳୁ ପୁଣି ଘରେ ପହଞ୍ଚି କାଗଜପତ୍ର ଯାଞ୍ଚ କରୁଛନ୍ତି। ରାଉରକେଲା ମଦ ବ୍ୟେବସାୟୀ କାମେଶ୍ୱର ତିୱାରୀଙ୍କ ରାଉରକେଲା ସିଭିଲ ଟାଉନ ସିପରେ ଥିବା କାର୍ଯ୍ୟ।ଳୟ ସହ ସିଭିଲ ଟାଉନସିପ ଘରରେ ଚାଲିଛି ଚଢ଼ଉ।
ଅନେକ ଦସ୍ତାବିଜ୍ ଆୟକର ବିଭାଗର ହସ୍ତଗତ ହୋଇଥିବା ବେଳେ ନଗଦ ଟଙ୍କା ଜବତ ନେଇ ସୂଚନା ଦେଇ ନାହିଁ ଆୟକର ବିଭାଗ। ଚଢ଼ଉ ଜାରି ରହିଥିବାରୁ କେତେ ପରିମାଣର ଟିକସ ଫାଙ୍କି ହୋଇଛି ତାହା ଜଣା ପଡ଼ିନାହିଁ କି ଏ ସମ୍ପର୍କରେ ଆୟକର ବିଭାଗ ମୁହଁ ଖୋଲି ନାହିଁ।
Sambad is now on WhatsApp
Join and get latest news updates delivered to you via WhatsApp
ସାରା ରାଜ୍ୟରେ ମଦ ବ୍ୟବସାୟୀମାନଙ୍କ ଘରେ ଆୟକର ଚଢ଼ଉ ଜାରି ରଖିଥିବାବେଳେ ୨ ଶହ କୋଟିରୁ ଅଧିକ ନଗଦ ଟଙ୍କା ଜବତ ହୋଇଥିବା ସୂଚନା ମିଳିଛି। ଭୁବନେଶ୍ବର ଓ ବାହାର ରାଜ୍ୟର ଟିମ୍ ଚଢ଼ଉରେ ସାମିଲ ହୋଇଛନ୍ତି।