୪୦.୮ ଡିଗ୍ରି ସହ ସମ୍ବଲପୁର ରାଜ୍ୟର ସବୁଠୁ ଉତ୍ତପ୍ତ ସହର
ସମ୍ବଲପୁର: ୨ ଦିନ ସାମାନ୍ୟ ତାପମାତ୍ରା କମିବା ପରେ ରବିବାର ପୁଣିଥରେ ପାରଦ ଉପରକୁ ଉଠିଛି। ରବିବାର ପୂରା ପଶ୍ଚିମ ଓଡ଼ିଶାରେ ପ୍ରବଳ ଗ୍ରୀଷ୍ମ ପ୍ରବାହ ଅନୁଭୂତ ହୋଇଛି। ରାଜ୍ୟରେ ୭ଟି ସହରର ତାପମାତ୍ର ୪୦ ଡିଗ୍ରି ପାର୍ କରିଛି। ଏହି ୭ ସହର ମଧ୍ୟରେ ପଶ୍ଚିମ ଓଡ଼ିଶାରୁ କେବଳ ୫ଟି ସହର ରହିଛି। ୪୦.୮ ଡିଗ୍ରି ତାପମାତ୍ରା ସହ ସମ୍ବଲପୁର ସହର ରାଜ୍ୟର ସବୁଠାରୁ ଉତ୍ତପ୍ତ ସହର ପାଲଟିଥିବା ବେଳେ ବୌଦ୍ଧର ତାପମାତ୍ରା ୪୦.୫ ଡିଗ୍ରି ଏବଂ ଝାରସୁଗୁଡ଼ା, ବଲାଙ୍ଗୀର ଓ ହୀରାକୁଦ ସହରର ସର୍ବାଧିକ ତାପମାତ୍ରା ୪୦.୪ ଡିଗ୍ରି ରେକର୍ଡ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସେଭଳି ପଶ୍ଚିମ ଓଡ଼ିଶାର ଅନ୍ୟ ସହରଗୁଡ଼ିକର ତାପମାତ୍ରା ମଧ୍ୟ ପାଖାପାଖି ୪୦ ଡିଗ୍ରି ରହିଛି। ଭବାନୀପାଟଣାର ତାପମାତ୍ରା ୩୯.୫ ଡିଗ୍ରି ରହିଥିବା ବେଳେ ଟିଟଲାଗଡ଼ ଓ ସୋନ୍ପୁରର ତାପମାତ୍ରା ୩୯.୮ ଡିଗ୍ରି ରହିଛି। ବିଶେଷଜ୍ଞଙ୍କ ମତରେ ଆଗକୁ ଏହି ତାପମାତ୍ରା ଆହୁରି ବଢ଼ିବାର ଆଶଙ୍କା ରହିଛି।