ମହାନଦୀକୁ ଡେଇଁ ଯୁବକ ନିଖୋଜ
ନରସିଂହପୁର: କଟକ ଜିଲ୍ଲା କାନପୁର ଥାନା ଅନ୍ତର୍ଗତ ମହାନଦୀର ଏକଡାଳ-ସିଦ୍ଧାମୂଳା ସେତୁ ଉପରୁ ଆଜି ସକାଳ ପ୍ରାୟ ସାଢ଼େ ୭ଟା ସମୟରେ ଜଣେ ଯୁବକ ପାଣି ଭିତରକୁ ଡେଇଁ ପଡିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ଏ ସମ୍ପର୍କରେ ତୁରନ୍ତ ସ୍ଥାନୀୟ କାନପୁର ଥାନାକୁ ସୂଚନା ଦେଇଥିଲେ। ତାପରେ ନରସିଂହପୁର ଓ ବାଲିଝରି ଦମକଳ କେନ୍ଦ୍ରକୁ ବି ଖବର ଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ପାଣି ଭିତରେ ଖୋଜା ଖୋଜି କରିଥିଲେ। ଏ ପର୍ଯ୍ୟନ୍ତ ଯୁବକର କୌଣସି ସନ୍ଧାନ ମିଳିପାରି ନାହିଁ। କାନପୁର ଥାନା ପୁଲିସ ଓ ଦୁଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ଖୋଜିବା କାର୍ଯ୍ୟ ଜାରି ରଖିଛନ୍ତି।